Хамгийн аюултай үе: Эрэгтэй, эмэгтэй хүмүүс хэдэн насандаа эхнэр, нөхрөө хуурч, араар тавих магадлалтай вэ?
Эхнэр нөхрийн харилцаа эхэн үедээ гал халуун, үнэхээр дотно байдаг ч, цаг хугацаа өнгөрөөд ирэхээд нэгнийхээ дутагдал, сул талуудад дэндүү их анхаарч, аажим хөндийрч эхэлдэг. Энэ мөчөөс тэдний амьдралд гуравдагч нэгэн гарч ирэх нь цаг хугацааны асуудал юм. Тэгвэл эрэгтэй, эмэгтэй хүмүүс хэдэн насандаа эхнэр, нөхрөө хуурах магадлал ихэсдэг болохыг танилцуулъя.
Хууралтанд нөлөөлдөг хүчин зүйлс:
- Цахим ертөнцөд ихэнх цагийг өнгөрүүлэх
- Урьд өмнө хуурч байсан бол
- Амьдралдаа сэтгэл хангалуун бус нэгэн
- Баян чинээлэг хэн нэгний ятгалага, эд хөрөнгийн сонирхол
- Эрэгтэй, эмэгтэй хүмүүсийн насны онцлог
Хачирхалтай сонсогдож байгаа ч, эрэгтэй эмэгтэй хүмүүс эхнэр нөхрөө хуурах магадлалтай үе нь харилцан адилгүй байдаг аж. Бүсгүйчүүдийн хувьд гэрлэснээр 7-8 дахь жилд энэ магадлал ихэсдэг бол, эрчүүдийн хувьд 4-5 дахь жилд түгээмэл тохиолддог.
Эхнэртэйгээ олон жил амьдарсан эрчүүдийн хувьд 40-45 насанд хуурах магадлал хамгийн их бөгөөд энэ нь ихэвчлэн харилцаа хөндийрэх, сексийн таарамжгүй, таашаалгүй байдал, шинэ харилцаа хүсэмжлэх шалтгаанаар эхэлдэг байна.
Мөн энэ харилцаа нь эрчүүдийн хувьд 50-55 насандаа эрчийг авдаг гэхэд болно. Иймд хосууд сэтгэл хөрсөн үедээ аль болох нийцтэй байхыг хичээж, асуудлаа хамтдаа шийдвэрлээрэй.
Бүсгүйчүүдийн хувьд харьцангуй бага боловч 35-45 насандаа хоёрдогч харилцааг хүсэмжилж эхэлдэг байна. Хэрэв тэд энэ насан дээрээ нөхрөөсөө сэтгэл бүрэн унтарвал, эргэж буцалтгүй салалтыг сонгодог аж.
