Монголын хамгийн олон үзэгчтэй влоггер хосууд
facebook

Монголын хамгийн олон үзэгчтэй влоггер хосууд

Сүүлийн жилүүдэд өөрсдийн сонирхолтой бичлэгийг хийн сошиал орчинд байршуулан бусдад эерэг мэдээлэл түгээх хүмүүсийн тоо эрс нэмэгдэх болсон. Өөрсдийн өдөр тутмын амьдралын хэв маяг, мэдээ мэдээлэл, зөвлөгөө зэргийг өгдөг влогерууд дундаас хосуудын влогийг олон нийт сонирхон үзэх нь их болжээ. Сүүлийн үед энэ тоо улам ихсэх болсон бөгөөд тэдэн дундаас хамгийн их үзэгчтэй влоггер хосуудыг танилцуулж байна.

Damis & Una

Сүүлийн үед чамгүй эрэлттэй загвар өмсөгчдийн тоонд багтаад буй Дамис болон Уна нар хамгийн анх Юүтүүб сувгаа 2011 онд нээж байжээ. Загвартай холбоотой мэдээ мэдээллүүд болон зөвлөмжүүд, өдөр тутмынхаа амьдралын сонин сайхнаас хуваалцдаг тэдний влогийг 826 мянга орчим хүн үзсэн байдаг ажээ.

Цэнгүүн & Төгс, Tsenguun & Tugs

Бүжигчин, жүжигчин Цэнгүүн болон загвар өмсөгч Төгс нарын Юүтүүб суваг 5 сарын өмнө нээгдэж байжээ. Тэднийг 13мянга орчим хүн дагадаг бөгөөд тэдний өдөр тутмын амьдралын хэв маяг болон зөвлөгөө, сонирхолтой яриануудаас бүрдсэн влогийг 113 мянга орчим хүн үзсэн байдаг ажээ.

Билэгсайхан & Оюунномин, Jason & Jayel

“116” бүжгийн студийн бүжигчин хосууд болох Билэгсайхан, Оюунномин нар 2016 онд өөрсдийн Юүтүүб сувгийг нээж байжээ. Бүжигчдийн амьдрал хэрхэн өрнөдөг талаар сонирхолтой влогийг цахим ертөнцөд байршуулдаг хосууд өөрсдийн хувцасны брэндийг эхлүүлэн тун ч амжилттай яваа. Тэдний Юүтүүб сувгийг 20 мянга орчим хүн дагадаг бөгөөд нийт влогийг 1,4 сая орчим хүн үзсэн байдаг байна.

Түвшөө & Дөлгөөн, Positive Mongolians

Швед улсад амьдардаг хосууд болох Түвшөө болон Дөлгөөн нар хамгийн анх 2011 онд өөрсдийн Юүтүүб сувгийг нээж байжээ. Олон төрлийг зөвлөгөө зөвлөмжийг олонд хүргэдэг тэд 50 мянга орчим дагагчтай. Саяхан эх орондоо ирэн нижгэр хурим хийсэн хосуудын влогийг 5 сая орчим хүн үзсэн байдаг байна.

Тэдний хөтлөн явуулдаг “Хосын жор” хамгийн их үзэгчтэй бөгөөд хосууд хэрхэн бие биетэйгээ ойлголцон харилцаагаа сайхан хэвээр нь хадгалж үлдэх тухай олны танил хосуудын сонирхолтой жорыг хүргэдэг байна.

Марлаа & Тэмүүжин, The Mongolian Family

Харин хамгийн их үзэгчтэй влогероор Тэмүүжингийн гэр бүлийнхэн шалгарчээ. АНУ-д амьдардаг влоггер хосууд хамгийн анх 2011 онд өөрсдийн Юүтүүб сувгийг нээж байсан аж. Саяхан бүл нэмэн бяцхан хүүгээ өлгийдөн авсан хосуудын Юүтүүб хуудсыг 70мянга орчим хүн дагаж тэдний өдөр тутмын амьдралтай танилцдаг бөгөөд бичлэгнүүдийг нь нийтдээ 13сая орчим хүн үзсэн байдаг ажээ. Тэдний том охин Нара олны хайрыг ихэд татдаг бөгөөд хосуудын хоорондын харилцаа олон нийтэд ихэд таалагддаг байна.

Мэдээний гарчиг дээр дарж тэдний Youtube хуудсаар зочлоорой

error: Мэдээлэл хамгаалагдсан !!