Хилэнцийн ордонд мэндэлсэн хүмүүс хамгийн хүчирхэг, түшигтэй байдаг. Тэднийг хэзээ ч бүү өөрөөсөө холдуулаарай!
Таны эргэн тойронд хилэнцийн ордны ямар нэгэн хүн байдаг уу? Хэрэв тийм бол бидний мэдээлэлд анхаарлаа хандуулахыг хүсье. Учир нь бид та бүхэндээ хилэнцийн ордны хүнийг хэзээ ч амьдралаасаа гаргаж болохгүй шалтгаануудыг дуулгахаар бэлтгэлээ.
Хилэнцийн ордонд мэндэлсэн хүмүүсийг харанхуйд бүжиглэх сахиусан тэнгэртэй зүйрлэдэг. Нэг ёсондоо тэд харанхуйг гэрэлтүүлж, таны амьдралд аз жаргал, баяр хөөрийг авчрах юм. Тиймээс та тэднийг хэзээ ч алдаж болохгүй шүү.
Эс бөгөөс таны амьдрал өнгөгүй, хоосон, гуниг гутралаар дүүрэн болж хувирна. 10 сарын 24-ээс 11 сарын 22-нд мэндэлсэн хүмүүс Хилэнцийн ордонд хамаарна.
Тэд хэнээс ч илүү бусдыг ойлгоно
Хилэнцийн ордонд мэндэлсэн хүмүүс сэтгэл зүйч болох нь их элбэг байдаг. Учир нь тэд бусдын зовлон шаналалыг сонсож, тэдэнд гарц арга замыг зааж өгөхдөө тун ч сайн аж. Хэн ч байлаа гэсэн асуудлыг нь үнэн сэтгэлээсээ сонсож, туслахыг хичээдэг. Тиймдээ ч тэднийг гэрэл гэгээ авчрагч, сахиусан тэнгэр гэгчлэн нэрлэдэг байна.
Таныг чиглүүлж урам зориг өгнө
Муу ч бай, сайн ч бай тэд ямар ч зүйлийн төлөө хүсэл тэмүүлэлдээ хөтлөгдөж, шаргуу хөдөлмөрлөж чаддаг. Өөрийн хүсч буй зүйлээ хэрэгжүүлэхийн тулд хэний ч санаанд оромгүй хичээл зүтгэл гаргадаг нь төрөлхийн зан чанартай нь холбоотой. Хилэнцүүдийн хийж байгаа зүйл бусдад таалагдахгүй байсан ч гэсэн тэд үзэл бодолдоо үнэнч байдаг. Тэдний энэ зан чанар танд ч бас халдаж, урам зориг дүүрэн амьдрахад тусална.
Тэд маш нууцлаг тул өдөр бүр танд адал явдалтай байх болно
Зарим тохиолдолд хилэнцүүдийг яг яагаад байгааг бусад ордууд ойлгоход хүндрэлтэй байдаг. Нэг мэдэхэд тэд халуун болж, төд удалгүй буцаад хүйтэн болдог. Энэ нь тэдний өөрт тохиолдсон хүнд хэцүү үеийг давж гарах гэж хичээж буйтай нь холбоотой байдаг байна. Гэвч уг байдал нь хүмүүст оньсого таавар шиг санагдах нь бий. Хэдий тийм ч гэлээ, хилэнцийн орд ямар ч хүний сонирхлыг өөрийн эрхгүй татах болно.
Нэг итгэсэн, хайрласан хүнээ хэзээ ч орхихгүй
Тэд хүнд итгэл үзүүлэхдээ хором бөгөөд яг үүн шигээ нэг итгэсэн, хайрласан хүнээ хэзээ ч хөсөр хаядаггүй. Ялангуяа хайр дурлалын тал дээр маш үнэнч төдийгүй та хилэнцийн ордны хүний хайрыг татаж чадсан бол өөрийгөө азтайд тооцоорой. Учир нь та насан туршдаа түүний хэмжээлшгүй хайрыг хүртэж, аз жаргалд умбаж амьдрах эрхээ авчихсан гэсэн үг юм.
