Зөвхөн хар амиа хичээдэг залуугийн 10 шинж: Би лав таны оронд байсан бол түүнээс зайгаа барих байсан!

Хайр бол хоёр хүний хүсэл мөрөөдөл, хамтдаа дэвжиж дээшлэх боломж байдаг. Гэтэл нэг хүний эрх ашиг, хүсэл үргэлж ноёлоод байдал, тэдгээр хосууд хэзээ ч сайн зүйлд хүрэхгүй. Нэг нь нөгөөгөө шимж, нөгөө нь улам бүр дордсоор байдаг.

1. Гадаад үзэмжиндээ хэт анхаардаг

Үсний засалт, өмссөн хувцас нь түүнийг ямар харагдуулж байгаа бол гэхчлэн хэлбэр төдий зүйлсэд дэндүү их ач холбогдлыг өгдөг. Эр хүн гэдэг үгэнд дэндүү гоёдох тэр залууг үүнд хамааруулна.

2. Бусдын бодлыг хэт эмзгээр хүлээж авдаг

Хүмүүсийн өөрийнх нь талаарх бодолд хэт эмзгээр хандаж, түүнд өндөр ач холбогдлыг өгдөг. Үүнээс болж маш их уур уцаар, бухимдал болдог нь дэргэдээ байгаа хүмүүсийг ихээр зовоож, хүндрүүлдэг.

3. Хошигнол ойлгодоггүй

Ийм төрлийн хүмүүс их бага ямар нэгэн хошигнолыг ойлгодоггүй. Аливааг үргэлж шууд утгаар нь хүлээн авч, дэвэргэдэг гэхэд болно. Энэ нь үргэлж асуудал тарьдаг.

4. Түүний ярианд “Би” ноёлдог

Юм ярих бүртээ л зөвхөн өөрийнхөө тухай ярьж, хамтдаа хийсэн бүхнээ “Би” хэмээх нэрэн доор хэлдэг бол тэр дэндүү амиа бодсон нэгэн юм. Иймэрхүү хүмүүст бусдын хэрэг бус зөвхөн өөрийнх нь хэрэг л чухал байдаг.

5. Уучлалт хүсэж мэддэггүй

Ийм төрлийн залуучууд ямар ч буруу зүйл хийсэн, уучлалт гуйж чаддаггүй. Тиймээс тэднээс хүндлэл бас уучлалыг хүсэх нь тийм ч зохимжтой биш.

6. Дарангуйлагч

Өөрийнхөө хүссэн бүхнийг хийлгэж, гүйцэлдүүлэхийн тулд тэд хамтрагчаа сэтгэлийн маш их дарамтанд оруулдаг. Хэдийгээр учиргүй уурлаж, хүчирхийлэл үйлдэхгүй ч таниар өөрийн хүслээ гүйцэлдүүлэхийн тулд бүхнийг хийхэд бэлэн байдаг.

7. Арга заль ихтэй

Тэд таны бодлыг уншдаг мэт л байдаг. Таныг өөрийн болгохын тулд арга заль бүхнийг хэрэгжүүлж, эрхэндээ оруулахыг хүсдэг. Харамсалтай нь хүсэл нь талаар болоход тэд үүнийг нэг их юман чинээ бодохгүй.

8. Таныг төгс байхыг шаарддаг

Тэд хамтрагчаа төгс төгөлдөр байхыг хүсдэг. Хүсдэг гэхээсээ илүү шаарддаг ч гэж хэлж болохоор. Учир нь тэр хамтрагчаа өөрийнхөө хүсэл сонирхолд нийцэхүйц байгаасай гэж хүсдэг.

9. Сонсохыг хүсдэггүй

Ийм залуус өөрийг нь сонсохыг, хүндлэхийг шаарддаг, хүсдэг хэрнээ хэзээ ч бусдын яриаг анхааралтай сонсож, чин сэтгэлээсээ хандахыг хүсдэггүй байна.

10. Үргэлж өөрийнхөө тухай ярьдаг

Дээр дурдсан шиг, яриа бүртээ “Би” хэмээх үгсийг ашигладгаас гадна, тэд үргэлж өөрийнхөө тухай ярьж, бас бусдын сэтгэл, амьдралыг үл тоодог байна.