Шүдээ угаасан ч амнаас тань эвгүй үнэр үнэртээд байна уу? Тэгвэл үүнийг ашигла!
Амнаас эвгүй үнэр гарах хамгийн муухай. Үүнээс болж бусадтай ярилцаж чадахгүй, санаа зовж явах тун ч хэцүү шүү. Энэ нь таны тухай сөрөг сэтгэгдэл төрүүлж, харилцааг хөргөж мэдэх талтай. Тиймээс яаралтай амнаас эвгүй үнэр гарах асуудлыг шийдвэл зохилтой юм. Эхлээд ямар шалгаанаар таны амнаас эвгүй үнэр гарч байгааг олж мэдэх хэрэгтэй. Ихэвчлэн ходоод гэдэсний үйл ажиллагаа муудсан, буйл үрэвссэн, амны хөндий үрэвссэн үед амнаас эвгүй үнэр гарч эхэлдэг байна.
Тэгвэл амныхаа эвгүй үнэрнээс хэрхэн салах вэ? Энэ нь тийм ч хэцүү, төвөгтэй биш.
Та амнаасаа эвгүй үнэр гаргахгүйн тулд хэд хэдэн зүйлсийг зуршил болгох хэрэгтэй юм.
Өглөөний цайг бүү алгас
Өглөө цайгаа бүү алгасч байгаарай. Энэ нь шүлсний ялгаралтыг нэмэгдүүлж, таны амыг хуурай байхаас сэргийлнэ. Ам хуурай байх үед эвгүй үнэр гарч эхэлдэг байна шүү.
Шингэн зүйлс сайн ууж байх
Дээр дурдсанчлан амаа хуурай байлгаж болохгүй. Тиймээс ус, цай зэрэг шингэн зүйлс их уугаарай. Гэхдээ ундаа, кофе зэрэг чихрийн агууламжтай зүйлсээс татгалзаарай. Энэ нь сөрөг үр дүнд хүргэнэ.
Тосоор амаа зайлах
Энэ нь эртний арга боловч үр дүнтэй гэдэг нь олон хүний амьдралаар батлагдсан юм. Ургамлын тосоор амаа зайлж, амны хөндийгөө цэвэрлэхийн зэрэгцээ эвгүй үнэрээс салж болно.
