Таны арьсыг “үгүй хийдэг” 7 хүнс. Эдгээрийг идээд байвал сайхан арьстай байна гэж санаад ч хэрэггүй!

Эмэгтэй хүн гаднаасаа бус дотроосоо гэрэлтдэг. Гэхдээ дотроосоо гэрэлтэхийн тулд ходоод руу орж байгаа зүйлсийг анхаарах хэрэгтэй. Арьсыг гэмтээхээс гадна маш хурдан хөгшрүүлдэг доорх арван хүнсийг аль болох хэрэглээнээсээ гаргаж бүр болохгүй юм аа гэхэд амтлах төдийхөнийг л авч үлдсэнийг нь мартаж орхи! 50 насандаа эрүүл сайхан арьстай хэвээр байхыг хүсч байгаа бол өнөөдрөөс эхлэн идэж байгаа бүхэндээ анхаарал хандуулаарай.

1. Будааны бялуу

Цагаан будааны бялуу цусан дахь сахарын хэмжээг ихэсгэж хөгшрөлтийг түргэсгэдэг. Арьсан дахь коллаген болон уургийг гэмтээж тэднийг бүр огт өөр молекул болгон хувиргадаг гээд боддоо! Хамгийн эхэнд будааны бялууг онцолж хэлж байгаа нь ийм учиртай юм. Сахар ихтэй, цардуул ихтэй, илчлэг ихтэй энэ амттанаас аль болох арьсаа хамгаалж амтлахдаа хэмжээг нь тааруулж маш багаар идээрэй.

2. Чихэр

“Хүүхэд байхад зөндөө л чихэр идээд хөгширсөн юм алга л байна шүү дээ!” Мэдээж эдгээр насанд сникерс идэж хатуу чихэр хүлхэж байсан ч барагтай бол хөгшрөхөөргүй хангалттай хурдан өсч төлждөг арьстай, коллаген, уургийн уян хатан байдал ч сайн байдаг. Харин хөгшрөх тусам энэ бүхний хүчин чадал огцом буурсаар байх болно. Хэрвээ одоо чи 25 нас хүрсэн бол чихэрний хэрэглээгээ хязгаарлаж сурах хэрэгтэй. Хичээл зүтгэл гаргаж байж л залуу харагддаг. Гагцхүү чамаас бүх зүйл шалтгаалах үе ирж байна, хонгор минь.

3. Сүү

Сүү магадгүй чиний бие галбирт тустай байж болно. Гэхдээ арьсанд бол огтхон ч үгүй. Ялангуяа тослоггүй, олон янзын шүүлтүүрт орсон сүү арьсанд маш муу нөлөөтэй. Үйлдвэрээс гарахдаа биологийн идэвхт ариутгах хоргүйжүүлэх бодисоор дүүрэн байдаг. Энэ нь чиний арьсан дээр батганы нүүдлийг үүсгэнэ гээд бод доо! Нүүр чинь асар том батганы хот болж ч магадгүй гэсэн үг. Тэгэхээр үйлдвэрийн аргаар боловсруулсан бус жинхэнэ байгалийн гаралтай сүүг хэрэглэхийг эрхэмлэж байгаарай.

4. Чипс

Энэ зүйлийн талаар надаар яриулах ч хэрэггүй биз. Арьсыг асар хурдан үхжүүлдэг бодис энэ амттай шар шаржигнуурт ордог бас муу тос болон цардуул гээд яриад дуусахгүй олон зүйл байгаа. Арьсны үрэвслийг улам ихээр нэмэгдүүлэх учраас чи чипс идсэнийхээ дараа өглөө нь л ямар нэг ногоон толгойтой зүйлийг нүүрэн дээрээ олж харна.

5. Хийжүүлсэн ундаа болон сода

Чи мэддэг л байх. Гэхдээ дахиад нэг сануулаад хэлэхэд буруудахгүй болов уу. Тод өнгийн буюу жүрж, интоорын зэрэг тодотголтой жүүсэнд асар их хэмжээний өнгө оруулагч будаг бас дээр нь химийн гаралтай сахар, сода орсон байдаг. Хэдийгээр нэг стакан ч гэлээ нэлээн хэдэн үрчлээг хуурайшилттай хамт дагуулан ирэх болно.

6. Түргэн хоол

Яагаад зарим хүүхнүүд зүгээр байснаа давхар эрүүтэй болдог вэ гэсэн асуултанд ихэнх хувь нь түргэн хоол л гэж хариулахаас өөр аргагүй. Тос ихтэй, хуурай, генийн өөрчлөлттэй, олон төрлийн амтлагч, цардуул гэх мэт арьсан дор шууд л өөх бий болгох зүйлс түргэн хоолонд агуулагддаг. Хамгийн гол нь целюлит үүсгэх болно. Энэ чинь арьсыг маш хурдан үхүүлж байгаа нэг хэлбэр шүү дээ.

7. Маргарин

Хэдийгээр хүний биед өөх байх шаардлагатай ч гэлээ арьсыг гэмтээх хэмжээнд байж болохгүй. Бас бүхий л өөх тос адилхан гэсэн үг биш. Жишээ нь маргарин бол хамгийн муу буюу хүний гараар үүссэн байгалийн бус тос харин оливын тос бол зөв хэмжээгээр хэрэглэхэд арьсанд харин ч сайн нөлөөтэй. Арьс язарч эсвэл атираа үүсч эхлэх юм бол маргарины нөлөө ч байж болох юм. Мөн маргарин бол чихрийн шижин, зүрх судасны өвчнийг үүсгэгч гол бүтээгдэхүүн юм. Тэгэхээр найрлага дээрээ маргарин гэж бичсэн бүх бүтээгдэхүүнээс гараа хол байлгах хэрэгтэй.