Үсний ангижруулагчаа гэртээ хийх 6 арга
Үс өнгөө алдаж салаалах, цахилгаанжиж соронзлогдох нь хуурайшиж, ангижруулагч болон тэжээлийн тосоор “цангасных”. Тэгвэл заавал химийн найрлагатай ангижруулагч хэрэглэлгүйгээр гарын доорх материалаар гэртээ үсний ангижруулагч хийх боломж байна. Үүнд:
1. Уксус, өндөг
Орц: 2-3 өндөг, 1 халбага зөгийн бал, 1-2 халбага оливийн тос, 1 халбага уксус, 2 халбага лимоны шүүс.
Бүгдийг нь сайтар холиод үсээ угаасны дараа үсэндээ түрхэж 10-15 минут байлгаад усаар зайлна.
2. Гадил
Орц: нэг гадил, 3 халбага зөгийн бал, 3 халбага сүү, 3 халбага оливийн тос, нэг өндөг
Гадилаа нухашлаад сүү, оливийн тос, зөгийн балаараа шингэлж холиод үсэндээ түрхэж 15-30 минут байлгаад усаар сайтар зайлна. Гадил нь гэмтэж хугарсан үсний өнгийг сэргээж гэмтлийг багасгана.
3. Кокосын тос, зөгийн бал
Орц: 2 халбага кокосын тос, нэг халбага зөгийн бал
Үсээ түрхэж 10-15 минут байлгаад угаана. Кокосын тос нь үсийг зөөлхөн болгоод зогсохгүй ургалтыг хурдасгаж, өнгийг сэргээнэ.
4. Алимны цуу
Орц: 2 халбага алимны цуу, нэг халбага зөгийн бал, 2 халбага ус
Үсээ угаасны дараа хуйхандаа хүргэлгүй үсний уг үзүүр болон дунд хэсэгт түрхээд зайлалгүй хатаана.
5. Тараг
Орц: 1 өндөг, 1 аяга тараг
Нэг жижиг аяга тараганд нэг ширхэг өндөг хийгээд үсэндээ түрхэж 15-30 минут байлгаад усаар зайлна. Тараг нь хуйханд бугласан бохирдлыг сайтар цэвэрлэж өгдөг.
6. Зуун наст
Орц: нэг халбага нимбэгийн шүүс, 4 халбага зуун наст (ургамлын доторх гел)
Үсэндээ түрхээд 5 минут байлгаад усаар угаана.