Аманд ороод л хайлах амттай тушёнк бэлтгэх хялбар жор

Өвлийн бэлтгэлээ базаахгүй бол юу юугүй л өвөл болчихлоо. Та энэ амралтын өдрүүдийг ашиглаж, үхрийн махаараа тушёнк хийж хадгалаарай. Ингэснээр та завгүй үедээ тушёнкоо халаагаад л амттай хоолыг хэдхэн хормын дотор хийх боломжтой юм. Тиймээс залхуурч хойш суулгүй амралтын өдрүүдээр амттай тушёнк бэлтгэж тавиарай. Харин хэрхэн бэлтгэх аргыг бид танд хуваалцаж байна.

Орц:

• Үхрийн мах – 1 кг
• Өөх – 200 гр
• Лаврын навч
• Давс, хар перец
• Сармис
• Сонгино

Хийх арга:

• Махаа дөрвөлжиж хэрчээд, давс перецээр амталж базаарай.
• Сонгино болон сармисаа хальсалж, том томоор хэрчинэ.
• Дараа нь мах хийх шилнүүдээ угааж ариутгана.
• Одоо шилэндээ мах, сонгино, сармис болон лаврын навчаа хийж, сайтар чихнэ.
• Ингээд савласан махаа мөнгөлөг цаасаар таглаж, 1 цаг амраана.
• Тогоондоо алчуур дэвсэж, дээр нь шилтэй махаа тавиад, хажуугаар нь шилний хоолой хүртэл халуун ус хийгээрэй.
• 3 цаг зөөлөн гал дээр чанахад ус нь шигхэгүй яг таарна.
• Махаа хөрсний дараа тугалган цаасыг авч, тагыг нь солиод нь хөргөгчинд хадгалж болно.

Та амттай тушёнкоо төрөл бүрийн ногоо, будаатай хольж идээрэй.