Хамгийн амттай жигнэсэн төмстэй махыг бэлтгэх жор

Амралтын өдрөөр хайртай хүмүүстээ хамгийн амттай хоолыг бэлтгэж өгөхийг хүн бүр л хүсдэг. Харин хэрхэн амталж, хүн бүрийн санаанд нийцэх хоол бэлдэх вэ гэдэг бас л асуудалтай. Тэгвэл та бүхэндээ хамгийн амттай жигнэсэн мах бэлтгэх аргыг танилцуулж байна.

Орц:

• Төмс – 800 гр
• Сармис – 2 хумс
• Мах – 500 гр
• Сонгино – 1 ширхэг
• Соё соус – 2 халбага
• Гоньд – 1 халбага
• Давс, перец – амталгаагаар
• Масло – 50 гр

Бэлтгэх арга:

• Төмсөө арилгаж хэрчээрэй.
• Махаа бас дундаж хэмжээтэй хэрчинэ.

• Сонгино болон сармисаа жижиглэж хэрчих хэрэгтэй.
• Эдгээрийг хольж уутанд хийх бөгөөд дээр нь амтлагчуудаа нэмэхээ мартуузай.
• Ингээд амтлагчаа сайтар тарааж хольсны дараа ууттай махаа саванд хийж, шарах шүүгээний тавцан дээр тавих хэрэгтэй.

• Үүнийгээ 35-40 минут зууханд хийж зөөлөн гал дээр жигнээрэй.
• Ингээд л таны хоол бэлэн болох аж.