Бидний амьдралыг хараалын үгс хэрхэн үгүй хийдэг вэ? Үүнийг уншсаны дараа та дахиж хэзээ ч хараалын үг хэлэхгүй!

Бидний амьдралыг хараалын үгс хэрхэн үгүй хийдэг вэ? Үүнийг уншсаны дараа та дахиж хэзээ ч хараалын үг хэлэхгүй!

Ямар ч толгой өвтгөх асуудалгүй, үргэлж аз жаргал, баяр хөөртэй амьдарна гэдэг байж боломгүй зүйл юм. Гэхдээ та хүнд хэцүү бүхэнд бухимдаж, хараал хэлэх нь амьдралаас тань сайн сайхан бүхнийг хулгайлан авч, хүйтэн хоосон, зорилго тэмүүлэлгүй нэгэн болгодог байна. Иймд та бүхэндээ бидний амьдралыг үгүй хийдэг хараалын үгсийг танилцуулъя.

1. Хараалын үгс хэлснээр юу болох вэ?

Хараалын үгс нь дотроо хоёр төрөл байдаг. Эхнийх нь өөртөө хэлэх, дараах нь бусдыг хараах юм. Гэхдээ эдгээр төрлөөс хамгийн ихээр амьдралыг бараантуулж, сөрөг энерги өгдөг нь эхний төрөл буюу өөрийгөө хараах аж.

Жишээлбэл:

  • Намайг хараал идэг!
  • Үхээд өгөх юмсан.
  • Өөрийгөө үзэн ядаж байна.
  • Би бол арчаагүй амьтан.
  • Намайг тэнгэр ниргээсэй!
  • Би төрөх хэрэггүй байж!
  • Үхэхдээ таарсан амьтан.
  • Хэн ч намайг хайрладаггүй.
  • Би ч тэнэг юм даа.
  • Надаас царай муутай хүн гэж байхгүй байх…
  • Би бол азгүй амьтан.
  • Ганцаардсан, өрөвдөлтэй хүн юм даа.

Эдгээр үгс нь амьдрал дээр биелэлээ олж, сэтгэлээр улам бүр унагаж, ажил үйлс бүтэмжгүй болгож эхэлдэг байна. Өөрийгөө буруутгаж, сөрөг энергиэр булах нь таны амжилт, ажил үйлсэд нөлөөлж, бүх зүйлсийг үгүй хийдэг ажээ. Та яг л бодож байгаа шиг ээ арчаагүй амьтан болж хувиран, азгүйтэлтэй нүүр тулах болно. Харин та үүний оронд өөртөө урам зориг хайрлаж, хараал хэлж, өөрийгөө улам бүр доош нь хийлгүй, хайрлаж, мандан бадарч байх хэрэгтэй.

Харин хоёрдугаар бүлэгт хамаарагдах бусдыг хараах нь ч мөн танд таатай, сайнаар нөлөөлөхгүй нь тодорхой.

  • Хараал идсэн амьтан.
  • Арчаагүй.
  • Үхээд өгөөч!
  • Чамайг тэнгэр ниргээсэй!
  • Юу ч хийж чадахгүй амьтан.
  • Газрын гаваар ороосой!

Бусдад муу муухайг хүсч, хараах нь өөрт тань эргээд ирдэг хуультай. Тэдэнд нөлөөлөх бус таны амьдралд нөлөөлж, сөрөг энерги, хар бараан зүйлсээр дүүргэх бөгөөд тухайн өдөртөө ажил үйлс ч бүтэхгүй байх талтай. Ийм байхад заавал бусдад хэрэггүй үгс хэлж хэн хэнийхээ сэтгэлд сэв суулгаж, шархлуулах хэрэг бий гэж үү?

2. Сэтгэл санаанд хэрхэн нөлөөлдөг вэ?

  • Хараал хэлж, бусдад болон өөрийгөө муу муухайгаар хэлэх нь сэтгэл санаанд шууд нөлөөлдөг.
  • Стресс, депресст орж, бухимдаж эхэлнэ.
  • Хүмүүс болон аливаа зүйлсээс өө хайна.
  • Эрүүл мэндийн асуудалтай тулгарна.
  • Бүхнийг сөрөг, муу талаас нь харж, уурлах нь улам бүр ихэснэ.
  • Өөртөө итгэлгүй, өрөөлд сайн санаж чадахгүйд хүрнэ.
  • Амиа хорлох тухай бодлууд санаанд бууна.
  • Архи, мансууруулах бодист донтож мэднэ.
  • Санхүүгийн асуудалтай нүүр тулна.

Та ердөө л хараалыг амьдралаасаа салгаж чадаагүйн улмаас тэр чигтээ сүйрч, ганцхан олдсон амьдралаа утга учиргүй, аз жаргалгүй өнгөрүүлнэ гээд төсөөлдөө? Үнэхээр аймшигтай биш гэж үү? Өрөөл бусад ч бай, өөрийгөө ч бай харааж, гутаан доромжлох нь үргэлж сөрөг үр дүн дагуулдаг аж.

3. Хэрхэн ангижрах вэ?

Та юуны төлөө амьдардаг вэ? Амьдралаас юуг хүсч мөрөөддөг вэ? гэж асуухад хүн бүр л аз жаргал, баяр хөөр, халуун дулаан уур амьсгалтай гэр бүл гэж хариулна. Харин үргэлж бусдад муу санаж, хорон санаа, бухимдлаар сэтгэл санаагаа дүүргэсэн хүн гэгээлэг сайхан бүхнийг хүртэх боломжгүй байдаг. Хэрэв та өөрийгөө ч хянаж чадахгүй хараал урсгаж, сайн сайхан бүхнийг үгүй хийж байгаа бол доор дурдах аргыг хэрэглээд үзээрэй.

error: Мэдээлэл хамгаалагдсан !!