Дуучин Цэлмүүний нөхрийн олонд дэлгэгдээгүй нууц зургууд ил боллоо
Дуучин Ч.Цэлмүүн Жакарта хотноо болсон Азийн наадамд очсоныг анзаараагүй өнгөрсөн хүмүүс үлдсэн л байх. Талбайн теннисээр шаггүй тоглочихдог дуучин бүсгүй энэ удаа өөрөө өрсөлдөөгүй, нөхөр С.Ангарагаа дэмжихээр Жакартаг зорьсон юм. Түүний дурлалт залуу С.Ангараг Монголын шигшээ багаа төлөөлж, талбайн теннисний төрөлд энэ удаагийн Азийн наадамд оролцжээ.
Хүүгийнхээ ааваас салах шийдвэр гаргаж, шинэ амьдралыг сонгосон авьяаслаг дуучин бүсгүй одоо Японд нөхрийн хамт амьдарч байгаа. Японыг зорьсон гол зорилго нь докторын зэрэг хамгаалах байсан ба Сэндайд байрлах Тохоку Их сургуульд эрдмийн зэрэг горилж яваа. 2020 онд төгсөнө.
Ч.Цэлмүүн АШУҮИС-ийн Нийгмийн эрүүл мэндийн сургууль төгссөн. Сайхан дуулахын сацуу мэдлэг боловсролдоо өндөр шаардлага, анхаарал тавьдаг нь ер нь анзаарагддаг. Бусад уран бүтээлчдээс ч ялгарч харагддаг. Сонирхуулахад, хэдийгээр тэд шинэ хосууд гэгдэх боловч анх 17 настайдаа танилцаж байсан, сайн найзууд юм билээ.
