Нүхжилтийг агшааж, багасгахад туслах өдөр тутмын аргууд
Нүхжилт гэдэг эмэгтэйчүүдийн хувьд хамгийн том асуудал болдог. Үүнээс хэрхэн ангижрах, ядаж л хэрхэн хэмжээг нь багасгах вэ хэмээн өдрийн бодол, шөнийн зүүд болж яваа бүсгүйчүүд олон байдаг. Ийм учраас та бүхэндээ гэрийн нөхцөлд нүхжилт багасгах аргуудыг зааж өгөхөөр бэлтгэлээ.
Нүүрээ өдөрт 2 удаа угаа
- Өглөө, оройд нүүрээ бүлээн усаар угааж, рН тэнцвэржүүлсэн зөөлөн цэвэрлэгч ашиглан арьсаа цэвэрлэж арчина. Энэ нь арьсны гадаргуу болон нүх сүвнээс илүүдэл өөх тосыг арилгаж, нүхжилтийг багасгахад туслах юм.
- Нүүрээ хүчтэй үрж угаахаас татгалзаарай. Энэ нь арьсыг гэмтээж, үрэвсүүлэх аюултай.
Шавар маск хэрэглэ
- Каолин шавартай маскыг долоо хоногт нэг эсвэл хоёр удаа хэрэглэж заншаарай. Энэ нь илүүдэл тосыг нүх сүвнээс гаргаж, арьсыг цэвэрхэн толигор болгоно.
- Салфеткан маскыг хэт их хэрэглэхээс татгалзаарай. Энэ нь арьсны нүх сүвийг бөглөж, нүхжилтийг томруулж болох юм.
Өдөр тутамдаа чийгшүүлэх тос хэрэглэ
- Арьсыг чийгшүүлж, зөөлрүүлэхийн тулд өдөр бүр өөрийн арьсны төрөлд зориулагдсан чийгшүүлэгч тосыг хэрэглээрэй.
- Та тослог арьстай байсан ч чийгшүүлэхээс бүү ай, гель, лосьон зэрэг тос багатай хөнгөн бүтээгдэхүүнийг сонгоорой.
- Хуурай арьстай бол чийгшүүлэх чадвар өндөртэй, тосон суурьтай тосыг сонгож болох юм.
Өдөр бүр нарны тос түрх
- Арьсаа нарны хэт ягаан туяанаас хамгаалахын тулд өдөр бүр марталгүй нарны тос түрхэж байх хэрэгтэй.
- SPF 30 ба түүнээс дээш үйлчилгээтэй нарын тосыг сонгож хэрэглээрэй.
- 2 цаг тутамд нарны тосоо нэмж түрхэнэ. Ингэснээр арьсыг илүү сайн хамгаалж чадна.
Фэйсбүүк сэтгэгдэл