Таныг 10 насаар хөгшин харагдуулдаг санаанд оромгүй 7 зүйл
Хөмсөгний өнгө хүртэл таны царайг хөгшин харагдуулдаг гэвэл та итгэх үү? Заримдаа 17 настай залуухан охиныг 33 настай юм шиг хөгшин харагдуулахуйц зүйлс олон байдаг. Биднийг хөгшин харагдуулдаг өдөр тутмын бяцхан алдаануудын талаарх мэдээллийг хүргэж байна.
1. Нарийн тод хөмсөг
Мэргэжилтнүүдийн үзэж байгаагаар хөмсөгний хэлбэр хөгшин харагдуулдаг зарим зүйл байдаг.
- Та хөмсөгний будаг, бүтээгдэхүүнээ хэтрүүлж хиймэл харагдахад хүргэдэг.
- Та хөмсөгөө өөрийн натурал өнгөнөөс илүү цайвар шаргалаар буддаг бол энэ нь таныг хөгшин харагдуулах магадлалтай.
- Та хөмсөгнийхөө сүүлийг бүтэн буддаггүй.
- Та хөмсөгнийхөө үсийг шингэлж авдаг, хайчилдаг.
2. Том хиймэл уруул
Та наснаасаа залуу харагдья гэвэл өөрт зохиогүй том уруул хийлгэх нь маш тохиромжгүй бөгөөд хөгшин харагдуулдаг. Таны уруул байгалиас заяасан таны нүүрний бусад онцлогтой төгс зохицдог гэдгийг санаарай.
3. Арьсны өнгөнөөсөө тэс өөр өнгөтэй үс
Хэрэв та хөрслөг бор арьстай хэрнээ үсээ хараар будсан бол энэ нь таны царайнд нөлөөлж хөгшин харагдуулах эрсдэлтэй юм. Мөн үүний үр дүнд таны нүдний доорх тойрог илүү тод харагдаж, арьс улайж харагддаг.
4. Нүүрээ хэт их будах
Ихэнх үед та нүүрээ аль болох байгалийн мэт будах хэрэгтэй. Та нүүрэндээ хэт их крем түрхвэл сайхан харагдахаасаа илүү таныг ширүүн хөгшин харагдуулдаг.
5. Чийрэг биш хэт туранхай байх
V төрхтэй туранхай эмэгтэйчүүд хэдий сайхан харагддаг ч заримдаа хэт туранхай нь хөгшин харагдахад хүргэдэг байна.
6. Шар шүд
Нас ахих тусам шүд шарлаж, өнгөө алдаж эхэлдэг. Энэ нь мэдээж тийм ч сайхан харагдахгүй. Өнөө үед паалангаа аюулгүй сэргээж, эрүүл, залуу инээмсэглэлтэй болох боломжтой болсон. Тиймээс та шүдэндээ анхаараарай.
7. Хуучны үс засалт
Үс засалтаа зөв тохируулах хэрэгтэй. Жижиг нарийн ширийн зүйлс ч таныг хөгшин харагдуулж болзошгүй. Хуучирсан үс засалт нь эмэгтэй хүнийг маш хөгшин харагдуулдаг. Жишээлбэл 80-аад оны үс нь таны дүр төрхийг хэдэн ч насаар хөгшин харагдуулж болно.
