Энэхүү маск таны арьсыг ердөө 15 минутын дотор толигор болгох шидтэй. Дэлгүүрээс үнэтэй маск авах хэрэггүй боллоо!

Аль болох хямд өртгөөр, чанартай үйлчилгээг авахыг хүсдэггүй хүн гэж үгүй юм. Тиймдээ ч бид үнэтэй салон, гоо сайхны газрыг зорихоос илүүтэй гарын доорх материалыг ашиглан, өөртөө иллэг хийж, маск бэлддэг шүү дээ.

Харин бид та бүхэндээ, ердөө 15-20 минутын дотор арьсыг гэрэлтсэн, зөөлөн болгох маскыг хэрхэн бэлтгэх тухай мэдээллийг дуулгахаар бэлтгэлээ. Хэрвээ та үр дүнд нь эргэлзэж байвал, зүгээр л туршаад үзэхийг зөвлөе.

1. Юун түрүүнд та, ногоон цайны навчийг авч, кофе бутлагчинд хийн жижиглээрэй. Ингэхдээ цэвэрхэн, хоггүй, сайн чанарын навчийг сонгох хэрэгтэй.

2. Үүнийхээ дараа, буталсан ногоон цайгаа халуун усанд хийж сайтар дэвтээнэ.

3. Дэвтээсэн ногоон цайгаа шүүж аваад, хөргөсний дараа багахан хэмжээний оливын тостой хольж, хонуулаарай. Ингэснээр “мацерат” буюу тосон түрхлэг бэлэн болно. Яаралтай үед, зуурмагаа халуун ууранд 3 цагийн турш жигнэж болдог.

4. Ингэснээр оливын тос болон ногоон цай нь хоорондоо сайтар уусч, арьсанд илүү их үйлчилгээг үзүүлдэг.

5. Зуурмагаа арьсанд түрхэцтэй болгохын тулд бага зэрэг эрдэнэшишийн цардуулыг нэмж өгнө. Зуурмагийн өтгөн шингэнийг та өөрөө тохируулах бөгөөд өөртөө аль тухтай байдлаар бэлтгээрэй.

6. Маскаа тавихаасаа өмнө арьсаа сайтар цэвэрлэж, скрабаар үхэжсэн арьсыг гуужуулах нь илүү үр дүнтэй.

7. Ингээд бэлтгэсэн маскаа бага зэргийн чийгтэй арьсан дээрээ түрхэж, 15-20 минут болсны дараа тойрог хэлбэрээр арчиж аваарай. Таны арьс урьдынхаасаа илүү залуу, өнгөлөг болсон байхыг та анзаарах болно.

8. Хамгийн сүүлд та өөрт тохирох тэжээлийн тосыг нүүрэндээ жигд, нимгэн түрхэж өгөөрэй.

9. Маскаа 7 хоногт 1-2 удаа тавихад тохиромжтой юм.