Зарим улс орнуудын гайхшрал төрүүлэм ариун цэвэр сахих уламжлалт арга барилууд: Одоо хүртэл хүмүүс үүнийг дагаж мөрддөг гэхээр итгэмээргүй
Өдөр бүр шүршүүрт орж, ариун цэврийн цаас, ариун цэврийн хэрэгсэл ашиглах нь бидний хувьд ердийн зүйл. Харин зарим улс оронд хувийн ариун цэврийн тун ч өвөрмөц байдлаар сахидаг байх юм. Энэ талаар хамтдаа судалж мэдэцгээе.
Энэтхэг, Пакистан, түүнчлэн Араб, Африкийн зарим орнуудад шүдний сойзны оронд саваа хэрэглэдэг.
Шүдний сойзыг рак модны мөчир, үндэс зэргээр орлуулж ашигладаг. Зажлах үед утаснууд нь салж, сойз болж хувирдаг. Үүнийг мисвак гэж нэрлэдэг бөгөөд амны хөндийн эрүүл ахуйн эртний уламжлалт арга хэрэгслийн нэг юм.
Финлянд, Эстонид эрүүл ахуйн шаардлага хангасан шүршүүрийг bidet-ийн оронд хэрэглэдэг
Финлянд, Эстони улсад bidet суурилуулах нь ховор байдаг ч бүх шинэ байшинд эрүүл ахуйн шаардлага хангасан жижиг шүршүүр байдаг.
Энэтхэгчүүд ариун цэврийн цаасны оронд ус хэрэглэдэг
Энэтхэгт ариун цэврийн цаас хэрэглэх нь тийм ч түгээмэл биш. Тиймээс зарим байшинд эрүүл ахуйн шаардлага хангасан жижиг шүршүүр эсвэл хувинтай ус байдаг.
Арабын орнуудын оршин суугчид аялахдаа зөөврийн bidet авч явдаг
Арабын орнуудын оршин суугчдын хувьд ариун цэврийн цаас хэрэглэх нь эрүүл ахуйн шаардлага хангаагүй гэж үздэг; оронд нь ус хэрэглэдэг. Барууны орнуудад аялахдаа ердийн журмаас татгалзахгүйн тулд тэд зөөврийн бидет авч явдаг.
Европт эрчүүдэд зориулж гадаа бие засах газар гаргаж өгсөн байдаг
Нидерланд болон Хойд Европын орнуудын гудамжинд эрчүүдэд зориулсан бие засах нүхүүд байдаг.
Хятадад эхчүүд шинэ төрсөн хүүхдээ төрүүлснээс хойш нэг сарын турш усанд ордоггүй
Хятадад саяхан амаржсан эмэгтэйчүүд уламжлалт анагаах ухааны дагуу нэг сарын турш үс, биеэ угааж болохгүй. Үүний оронд ургамлын шүүсээр чийглэсэн хөвөн эсвэл даавуугаар биеэ арчдаг байна. Мөн сарын турш эх хүүхэд гэрээс гарахгүй, гадны зочин хүлээж авдаггүй.
Хятадууд оймс, дотуур хувцасыг хамтад нь угаадаггүй
Хятадад дотуур хувцас, оймс хоёрыг хамт угаах нь эрүүл ахуйн шаардлага хангахгүй гэж үздэг. Мөн угаасан хувцсаа наранд хатаахыг илүүд үздэг бөгөөд томоохон хотуудад ч хэц татаж хувцсаа дэлгэсэн байхыг харж болно.
Шотландад үнэгүй ариун цэврийн хэрэгсэл, тампон өгдөг
2020 оны 2-р сард Шотландын парламент “Сарын тэмдгийн барааны тухай” хуулийн төслийг баталснаар засгийн газар эмэгтэйчүүдийг үнэгүй тампон, дэвсгэрээр хангах болсон. Тус улс 2018 онд сургууль, коллеж, их дээд сургуулиудад ариун цэврийн болон эрүүл ахуйн бүтээгдэхүүнийг үнэ төлбөргүй олгодог анхдагч улс болсон билээ.
Бонус: Непал бүсгүйчүүд сарын тэмдэг нь ирсэн үед гэрээсээ явдаг
Чаупади гэгддэг эртний зан үйлийн дагуу сарын тэмдгийн үеэр эмэгтэйчүүдийг бузартсан гэж үздэг. Тэднийг тусдаа байшин, амбаарт оруулдаг бөгөөд зарим хоол хүнс, шашны эд зүйлс болон эрчүүдэд хүрэхийг хориглодог.
