Хоолыг амт чанар муутай болгодог хоол хийхдээ гаргадаг түгээмэл алдаанууд

Хоол хийх гэж хэчнээн хичээж, сэтгэл гаргасан ч нэг л болж өгөхгүй, сүүлдээ өөрийгөө гал тогоонд зориулагдаагүй хүн юм байна гэж итгэхэд хүрэх үе бий. Энэ нь угтаа таны чадвараас хамаарах бус, байнга хийж дадсан буруу зуршлаас болж байгаа хэрэг. Чухам ямар буруу зуршил таны хоолыг амт чанар муутай болгоод байгааг олж мэдэцгээе.

Шарвингийн зуурмаг бэлдэхдээ хэт хүчтэй хутгах

Ихэнх тохиолдолд зуурмаг бэлдэхдээ бөөгнөрүүлэхгүй хурдан хутгаж байж сайхан болно гэж боддог. Гэвч ингэснээр хөвсгөр зөөлөн болох биш нимгэн хатуувтар болдог байна. Учир нь шарвин хийх жоронд бага хэмжээний хөөлгөгч ордог бөгөөд хүчтэй хутгавал шингэнд урвалд орж алга болно. Мөн хэт удаан зуурснаар гуриланд цавуулаг үүсэж хатуу болоход нөлөөлдөг. Тиймээс их хутгалгүй, зөөлөн зурахыг санал болгож байна.

Давсаа хэтэрхий ойрхноос цацах

Мэргэжлийн тогооч нар давсаа өндөрт бариад хоолоо амталдгийг та анзаарсан байх. Энэ нь өөрийгөө гайхуулах гэсэн оролдлого биш бөгөөд өндрөөс цацах тусам давс гадаргуу дээр жигд тархдаг. Хэрэв хэтэрхий ойроос цацвал хоолны нэг хэсэг илүү шорвог болно.

Будаа агшаахаас өмнө хуурахгүй байх

Будаатай хоол хийхдээ илүү сийрэг, сайхан амттай болгомоор байвал эхлээд сайтар хуурах хэрэгтэй. Хайруулын тавганд тос хийж дунд зэргийн гал дээр халаагаад өнгө нь шаргалтах хүртэл хуурна. Үүний дараа бага зэрэг ус нэмээд, тагийг нь таглаад бага гал дээр 20 минут байлгаарай.

Хайруулын тавагтай тосоо хангалттай халаахгүй байх

Тосоо сайтар халаахгүйгээс болж ямар ч бүтээгдэхүүн байсан шаржигнасан хатуу биш, тосоо ууж онцгүй болдог. Ингэснээр илчлэг ихтэй, тослог хоол болж амт чанарт ихээхэн нөлөөлдөг.

Нунтаг перецийг буруу хэрэглэх

Нарийн ширхэгтэй перецийг соусанд өнгө оруулах гэх мэт нэмэлт амт оруулах байдлаар хэрэглэдэг бол бүдүүн ширхэгтэй перецийг мах, салат зэрэгт үндсэн амт нэмэх зорилгоор хийдэг ба илүү сайхан үнэртэй болгодог.

Бүх найрлагыг нэг дор тавгалах

Зарим үед хоолоо илүү амттай байлгахын тулд лаврын навч, гоньд зэргийг хийдэг ч идэхэд тохиромжгүй байдаг. Тиймээс эдгээрийг хоолонд хийхээсээ өмнө нарийн утсаар боочихвол болсных нь дараа ялгаж авахад тун хялбар байх болно.

Хөлдөөгчинд удсан махны гадна хэсгийг хусахгүй байх

Хөлдөөгчид удаан хадгалсан махны гадна хэсэг өнгө чанараа алдах тохиолдол байдаг. Ийм махыг хоолонд хэрэглэх нь тийм ч найдвартай биш бөгөөд тэр хэсгийг нь хусаад усаар угаачихвал ямар ч асуудалгүй гэнэ.

Бүх хоолондоо нэг хусуур хэрэглэх

Хоолны хусуурыг янз бүрийн хэлбэр материалаар хийдэг нь мэдээж ямар нэг шалтгаантай. Силикон хусуур нь зуурмаг, цөцгийг холиход хамгийн тохиромжтой бол шарсан өндөг, шарвин зэргийг бүтнээр нь шарахын тулд шулуун биш муруй хусуур ашиглах нь дээр. Харин модон хусуурны хувьд хамгийн хурдан нян үрждэг учраас мах махан бүтээгдэхүүн хутгахгүй байхыг зөвлөе.

Хатаасан болон шинэ ногооны амтлагчийг буруу үед хийх

Ерөнхийдөө хатаасан амтлагчийг хоол хийж эхлэхдээ эсвэл хийх үедээ нэмэх шаардлагатай. Учир нь амт нь зөөлөрч анхилуун үнэрийг гаргахын тулд нэлээн хэдэн минут буцалгах ёстой байдаг. Харин шинэ ногооны амтлагчаа сүүлд нь хийвэл илүү тохиромжтой.

Цөцгийн тосыг үрж хийхийн оронд дөрвөлжин болгож хэрэглэх

Олон төрлийн бялуу жигнэмэг хийхэд цөцгийн тос зайлшгүй хэрэгтэй байдаг. Гэхдээ ихэнх хүмүүс цөцгийн тосоо дөрвөлжин хэрчиж хийдэг хэдий ч үрж хэрэглэвэл хамаагүй дээр байдаг. Ялангуяа хөлдөөсөн цөцгийн тосны хувьд илүү хурдан хайлах нөхцөл бүрдэнэ.

Махаа хэт их хутгах

Татсан маханд амтлагчуудаа хийж амтлахдаа хэтэрхий их холивол амтгүй хатуу болдог. Харин бөөрөнхий мах, котлет зэргийг илүү шүүслэг амттай болгохын тулд зөөлөн хольж тийм ч их гурил цацах хэрэггүй байдаг байна.

Будаа агшаахаас өмнө угаахгүй байх

Будаа агшаахдаа цагаа зөв тохируулахаас гадна сайтар угаах хэрэгтэй. Цагаан будаанд их хэмжээний цардуул байдгаас болж угаахгүй агшаах үед ялгарч, наалдамхай чанар үүсгэж будаа болоогүй мэт нялцгай болдог. Тиймээс будааг угаахдаа усных нь булингар арилж, тунгалаг болтол угаах шаардлагатай.

Фэйсбүүк сэтгэгдэл
error: Мэдээлэл хамгаалагдсан !!