Өвчиндөө баригдаж шаналсан хүүхдүүдийг өөрийн зохиосон шөлөөр аварч чадсан хүүхдийн эмч: 100 жилийн дараа анагаахын салбар түүнийг биширдэг

20-р зууны эхэн үед хүний дундаж наслалт одоогийнхтой харьцуулахад хоёр дахин бага байв. Нярайн болон бага насны хүүхдийн өвчлөл маш түгээмэл байсан бөгөөд хүүхдийг эрүүл саруул өсгөхийн тулд хооллолт тал дээр ихээхэн анхаарах хэрэгтэй болсон. Доктор Эрнст Моро хүүхдийг зөв хооллох талаар тууштай судалж, үр дүнтэй аргуудыг нээн илрүүлсэн билээ.

Эрнст Моро 1874 онд 8 хүүхэдтэй гэр бүлд төржээ. Моро өсөж том болоод анагаах ухаанд суралцаж, докторын зэрэг хамгаалсан бөгөөд удалгүй гэдэсний савханцарыг нээсэн Теодор Эшеричтэй хамтран ажиллаж эхэлсэн. Тэрээр хүүхдийн эмчээр бэлтгэгдэж, Гейдельберг дэх хүүхдийн клиникийн захирлаар ажиллажээ.

Эрнст Морогийн удирдлаган дор хүүхдийн поликлиник олон улсын хамтын ажиллагааны төв болжээ.

Түүнийг шилдэг эмч, эмнэлгийн дарга байсныг онцолж ярьдаг хүмүүс олон байсан бөгөөд Моро эмнэлэгтээ нэг давхар нэмж барин, дээвэр хэсэгт хүүхдийг наранд шарах хэсэг болгон тохижуулсан байдаг.

Үүний зэрэгцээ Эрнст Моро өөрийн гайхамшигт нээлт хийж, энгийн луувангийн шөлний тусламжтайгаар олон хүүхдийг аварчээ. Энэ нь нярайн суулгалтыг эмчлэхэд тусалсан юм.

Тэр үед антибиотик, суулгалт өвчний эсрэг эм байхгүй байсан тул энэ өвчин эрүүл мэндэд ноцтой аюул учруулж байв. Доктор Моро туршилтаар үрж жижиглэсэн луувантай энгийн шөлийг идвэл хамгийн хүнд суулгалтыг ч зогсоодог болохыг тогтоожээ.

Бараг зуун жилийн дараа буюу 2002 онд Германы судлаачид энэ шөлний нууц нь юу болохыг тайлбарлав. Түүнд агуулагдах олигосахаридууд нь хүүхдийн гэдэсний хананд хортой нян наалдахаас сэргийлдэг нь тогтоогджээ. Түүнээс гадна, луувангийн декоциний нь өнөөдөр аль ч эмийн санд худалдаж авч болох глюкоз-давсны уусмалаас илүү үр дүнтэй хэвээр байна.

Мөн 2009 онд хэвлэгдсэн судалгаагаар луувангийн шөл нь шинж чанараараа антибиотикт тэсвэртэй бактериас үүдэлтэй суулгалтыг хүртэл эдгээдэг болохыг харуулсан.

Эрнст Морогийн гавъяа нь зөвхөн суулгалт өвчнийг эмчлэх эмийг зохион бүтээсэнээр хязгаарлагдахгүй. Тэрээр хүүхдийн эмчилгээнд өөр олон нээлт хийсэн.

Луувантай шөлний тухайд лууванг үрж жижиглээд давстай усанд хийж чанахад хангалттай. Үүнийг хөргөж бэлтгээд хүүхдэд өгнө.