Таны дотор байдаг хүний тухай бүх үнэнийг хэлэх эмэгтэйчүүдийн зурхай

Бүхий л ордны эмэгтэйчүүд өөр өөрийн гэсэн өвөрмөц зан чанар, сэтгэлзүй, мэдрэмж гээд олон зүйлээрээ ялгаатай байдаг. Тэгвэл бүсгүйчүүдийн тухай үнэнийг хэлэх сонирхолтой нэгэн зурхайг хүргэж байна. Та өөрийгөө эсвэл хайртай бүсгүйгээ дараах зурхайгаар сонжоод үзээрэй.

Хонь

Бүх ордуудын эмэгтэйчүүд дотроос ганцхан Хонины ордны эмэгтэй эр хүнд гэр бүл болох санал тавьж чадна. Тэрээр эр нөхрөө өөрөө сонгохыг хүснэ. Хэрэв хүслээр нь болохгүй бол хойноос нь хөөцөлдсөөр өөрийн болгож санаа амарна.

Дурлал түүний хувьд чухал мэт боловч үнэн хэрэгтээ өөр бусад сонирхол нь илүү давамгайлна. Эр хүнгүйгээр удаан хугацаагаар байж чадна. Өөрийгөө эр хүнээс дутахгүй гэж боддог учраас хайр дурлалд ч амьдралд ч тэргүүлэх хүсэлтэй байдал нь эрчүүдийг эмзэглүүлдэг.

Тэд маш хүчирхэг эмэгтэй. Гаднаа эелдэг даруу мэт боловч цаанаа эршүүд зантай. Тэр магтаалд тун дуртай.

Үхэр

Үхрийн ордны эмэгтэй бол эр хүний эрж явдаг зан чанар бүгд шингэсэн эрхэм дээд эмэгтэй юм. Тэд сэтгэлийн гүн мэдрэмжтэй, гуалиг биетэй, үзэсгэлэнтэй бөгөөд гялалзсан эрчүүдээр хүрээлүүлж байдаг.

Тэдэнд сайхан хувцас, сайн вино, цэцэг жимс г.м. тансаг зүйлс таалагддаг. Тэр гайхамшигтай хамтрагч. Амьдралын амт шимтийг бэлэглэгч. Түүнтэй хамт байхад аз жаргалтай. Эр хүн түүнд өөрийн эрхгүй татагддаг. Сексийн амьдралд нээлттэй, эр хүн тус бүрээс асар их таашаал авч чадна.

Сэтгэл хөдлөлөө барьж чаддаг боловч хэрэв уурлавал хэнийг ч айлгаж чадна. Тэрээр сэтгэлийн хөдөлгөөн ихтэй. Гайгүй ухаалаг. Олон сайн чанаруудтайн нэг жишээ бол хүмүүсийг байгаагаар нь хүлээж авах билээ. Тэд ямарч хүнтэй эв зүйгээ олж чаддаг. Хэрэв хэн нэгэн түүнд таалагдахгүй бол шууд л зугтаачихдаг.

Дайснуудаа огт үл тооно, найзууддаа насаараа үнэнч. Учиргүй хартай биш боловч хэмжээ хэтэрвэл эвгүй юм болно. Тэд үл гүйцэлдэх зүйлийн тухай огт боддоггүй эрүүл ухаанаар тунгаахыг хичээнэ. Хэдийгээр тэр оюун ухаанч ордод хамаардаггүй боловч тархи нь зөв ажилладаг.

Хамтатгах

Энэ ордны эмэгтэйчүүд ухаантай, тал бүрийн авъяастай цовоо сэргэлэн, мөрөөдөмтгий, сайхан сэтгэлтэй, шаардлагатай, үгэнд оромтгой, хөгжилтэй хүмүүс байдаг. Түүнтэй та уйдахгүй. Гэхдээ хэрэв та хурц халуун сэрлийг мэдрэх дургүй хүн бол өөрийн хувь заяагаа энэ ордны бүсгүйтэй бүү холбоорой. Яагаад гэвэл түүний залуу байх үеийн янаг амрагийн холбоо нь түүний хувьд зөвхөн тоглоом юм. Мөн түүний биеэ авч яваа байдал нь тааварлашгүй байдаг.

Тэр өөрийн сэтгэлийн хөөрлийг барьж чаддаггүй, зан байдал нь дандаа хувирч байдаг. Ганц хүнд өөрийгөө зориулах нь түүнд маш хэцүү байдаг. Газар дэлхийн сэтгэл оргилуулсан үйлийг сонирхдоггүй ба үүгээрээ бусдаас ялгардаг. Түүнийг ямар нэгэн чухал зүйлд хандуулах бараг боломжгүй яагаад гэвэл түүнтэй ухаан бодол нь байнга аялж байдаг. Гэхдээ түүний сэтгэлийн гүн рүү нь шагайх юм бол тэр романтик ба тачаал ихтэй эмэгтэй гэдгийг олж харна.

Мэлхий

Аливаа юмсыг баялаг төсөөлж чаддаг энэ эмэгтэй хааяа жаахан гунигтай хааяа жаахан галзуу байдаг. Заримдаа бүр баргар царайлдаг, энэ нь танд ч бас нөлөөлнө. Дараа нь тэр инээд хөөр болж хайр энхрийлэлдээ таныг умбуулна.

Түүнд ямагт хуримтлуулсан мөнгө байдаг. Тэр өөрийгөө аз жаргалгүй байна гэж бодсон үедээ түүнийгээ зарцуулдаг. Гэхдээ орлого нь зарлагаасаа илүү их байна. Мөнгөний ихээхэн сонирхолтой бөгөөд мөнгөний тухай яриа нь түүний дуртай сэдэв болдог. Орлого, зарлагын тухай бодлоос нь салгахын тулд голын эрэг рүү дагуулж яв. Тэнд л та түүний бүх сэтгэл татам байдлыг нь олж харна. Сарны гэрэлд тэр далд мөрөөдлөө нээж харин усны ойр нь түүнд тайван байдлыг өгнө. Танд таалагдах түүний сэтгэлийн бүх солонгыг энд та харж болох юм.

Арслан

Энэ ордны эмэгтэйчүүд хэзээд эрчүүдийн анхаарлын төвд байдаг бөгөөд түүнд олон шүтэн бишрэгч бий. Тэрээр эрчүүдтэй нөхөрлөхийг илүүд үзнэ. Өөрийг нь хатан хааны суудалд залах эрийг олохыг хүсдэг ба үүнийг зүй ёсных гэж ойлгодог.

Энэ ордод төрсөн эмэгтэйчүүд тооцоогоор гэрлэдэг. Тэдэнд нийгэмд тодорхой байр суурь эзэлсэн, мөнгөтэй, зиндаа дээгүүр эрчүүд хэрэгтэй. Өндөр албан тушаалтай нөхөр түүний мөрөөдөл. Тэд нэр алдар, тансаг амьдралд дуртай. Тэд ууртай догшин. Хүмүүс болон энэ хорвоо зөвхөн энэ ордны эмэгтэйд захирагдах ёстой мэт.

Нөгөө талаас түүний захирах, тушаах, удирдах төрөлхийн зан нь өөрөөсөө зиндаа доогуур эртэй гэрлэхэд нөлөөлдөг. Гэхдээ энэ гэрлэлтийг арслангийн ордны эмэгтэйчүүд өөртөө дурлахыг зөвшөөрч байна гэж үзнэ. Тэр бусад эмэгтэйчүүдээс илт ялгардаг бөгөөд яг хатан хаан мэт байдалтай байдаг. Анхаарлын төвд байх дуртай бөгөөд хувцасны загвар, үс зүс, биеээ авч явах ёс журамын тухай танд тулгана.

Охин

Энэ ордны эмэгтэй их сэтгэл татам, аятайхан хүн гэхдээ түүнд золбоотой, дориун байх хэрэгтэй болов уу. Тэр сээтэгнэх дуртай боловч сүүлийн мөчид ухардаг. Өөрийн бүрэг ичимхий зангаасаа зовдог гэвч үүнийг нуух гэж оролддог.

Хааяа тэр мохошгүй зантай санагдана. Жишээлбэл, хэдий тэр нөхөртэй ч нууц амрагийнхаа хүүхдийг бардам төрүүлж чадна. Нөгөө талаас, хэдий тэр аз жаргалаа олох тодорхой зорилготой мөн түүнд шаардлагатай юм бүхэн байгаа ч бүрэг ичимхий, сул дорой.

Охины ордны эмэгтэйд эмэгтэй хүний бүх сайн сайхан чанарууд байдаг: эелдэг зөөлөн, үнэнч сэтгэл, гоо үзэсгэлэн. Эрэгтэйчүүд түүнд их татагддаг. Эрэгтэй хүн түүнтэй байхдаа таашаал авж чадаж байвал тэр өөрөө их баяртай байдаг.

Жинлүүр

Энэ эмэгтэй нь заль мэхтэй, эелдэг зөөлөн ба олон ааштай. Чихэр жимсэнд, гоёл чимэглэлд бас унтах дуртай. Амьдралд хамгийн чухал нь түүний хувьд хайр юм. Тэр уян нялуун ба маш мэдрэмтгий. Таны хайрыг байнга мэдрэх нь түүнд хэрэгтэй. Хэрвээ өөрийг нь хайрлахгүй байгааг мэдэрмэгц тэр аз жаргалаа өөр хүнээс хайн явдаг. Бүтэлгүй хайрын дараа тэр хурдан тайвширдаг. Энэ ордны эмэгтэй ямар ч эрэгтэйтэй таарч тохирно.

Жинлүүр-эмэгтэй хайр дурлалдаа их мэдрэмтгий. Хэдий секс амьдралд нь чухал байр суурь эзэлдэг ч түүний зорилго бол биш юм. Тийм болохоор л түүнд эрэгтэйчүүд олон байдаг. Зөвхөн сексийн тухай яригдаж байвал бүрэн дотносож чаддаггүй.

Тэр бол амархан зохицдог эмэгтэйчүүдийн нэг. Сул дорой эрэгтэйтэй тэрээр нөхцөл байдлын эзэн болно. Харин хүчтэй, чадалтай эрэгтэйтэй сул, дуулгавартай болж юм бүхэнд хүссэнийг нь дагана.

Жинхэнэ хайр л түүнийг төгс өөрчлөнө. Хэрвээ түүнийг чин сэтгэлээсээ хайрлаж байгааг ойлгож мэдэрвэл, тэр хамгийн сэтгэл татам, аятайхан, хөгжилтэй эмэгтэй болно.

Хилэнц

Энэ эмэгтэй нууцлагдмал гоо үзэсгэлэнтэй, сэтгэл болон дур булаасан, бардам, өөртөө маш итгэлтэй хүн юм. Бүсгүй хүний жинхэнэ шинж чанартай гэж өөрийгөө боддог мөн ингэж бодох үндэслэл ч бий. Дотоод ухамсартаа тэр эрэгтэй хүн болохгүй яаваа, тэгвэл илүү их боломжтой байх байлаа гэж бодно гэхдээ энэхүү бодлоо хэнд ч, бүр өөртөө ч хэлдэггүй.

Ерөнхийдөө дунд зэргийн нуруутай, зузаан, хөл гар нь хүчтэй, том нүүртэй байдаг. Тэр захирах, эрх дархтай байх дуртай бөгөөд хүчтэй зан араншинтай.

Хилэнцийн ордны эмэгтэй хоёр янз байдаг. Эхнийх нь далд зантай, ухаан болон номхотгошгүй эрч хүчтэй.  Энэ эмэгтэйгийн шардлагыг хангах эрэгтэй хүн ховор. Ийм эмэгтэйд ихэвчлэн сул дорой, шийдэмгий бус эрэгтэйчүүд татагддаг, харин хэрвээ нэгэнт ийм эрэгтэйтэй гэрлэхээр шийдсэн бол эр нөхөртөө тушаал дэвшихэд нь туслана.

Дараагийн янзад нь үнэхээр үйлийн үргүй эмэгтэй байдаг. Тэр их сээтэгнүүр, хэрэгт дуртай, шуналтай. Тэр эрч хүчтэй, ухаантай, үзсгэлэнтэй. Ийм эмэгтэй их аюултай, өөрийг нь хайрлаж байгаа хүмүүсдээ муу, таагүй явдлууд авчирдаг. Эрэгтэйчүүд түүний төлөө бүр галзуурах нь холгүй байдаг.

Нум

Эдгээр эмэгтэйчүүд нь ч гэсэн хоёр янз байдаг. Эхнийх нь эрэгтэй хүүхдийн зантэй эмэгтэй. Хөдөлгөөн, спортод хамгаас илүү дуртай. Гэрлэлт, гэр бүлийн амьдралд дасах нь хэцүү. Эрх дураараа, овилгогүй, бардам, дайчин. Хөдөлгөөнтэй, овсгоотой, хашир тэрээр аливаа ажилд амжилтанд хүрдэг.

Энэ эмэгтэй юм бүхнээрээ эрэгтэй хүнтэй эн зэрэгцэхийг тэмүүлдэг. Нумын ордны эмэгтэй Төвдөд байдаг эрэгтэйчүүдийн гандан орж эрэгтэй лам нарын амьдралын тухай шуугиант мэдээ бичихийн тулд хөхөө огтолсон гэдэг түүх ч бий.

Өмссөн хувцас нь түүний зан араншинг илэрхийлдэг: костюм, спорт маягийн өмд, жакет, богино тайрсан үс. Гэвч жинхэнэ эмэгтэй шиг бас хувцасладаг: гоё даашинз, үслэг эдлэл, үнэтэй гоёл чимэглэл, сүүлийн үеийн үсний тайралт. Хувцсанд нь чанар харагдана.

Дараагийн янзад дээд язгууртан эмэгтэй, эрх чөлөөтэй маягийн ухаантэй, атгаг сэжиг байхгүй хүн. Эрэгтэйчүүд түүнийг шагшин биширч, индэрт гаргахад, түүнд мэхийн ёслоход тэр дуртай. Түүнээс урвахыг өршөөхгүй. Гэвч хэрүүл маргаан үүсгэхгүйн тулд бүхнийг хийнэ. Харъяат байх дургүй тул эрх чөлөөт хайр дурлалын явдлыг эрхэмлэдэг.

Матар

Тэр их сонирхолтой: нас ахих тусам гоо үзэсгэлэнтэй бас дур булаам болдог. 18 настайгаасаа илүү 35 настайдаа эрчүүдэд таалагдана. Түүний араас гүйх амаргүй. Энэ эмэгтэй эрх чөлөөтэй. Нүдний шилтэй музейн ажилтнаас бүр бүжигчин хүртэл байж болно. Гэхдээ ямар ч мэргэжилтэй байсан тэр урвахыг өршөөхгүй.

Сээтэгнэж мөн эрчүүдийн сэтгэлийг булааснаар. Матарын ордны эмэгтэйн дэргэд эрчүүд түүнийг хатуу хорвоогоос хамгаалахад бэлэн суперменууд болон хувирдаг. Тэрээр мөн хүйтэн зожиг байдгаас түүнийг эзэмдэхийн тулд бүх хүчээ зарцуулах болно. Тэр ганцхан зорилготой хэрэгтэй эрэгтэйгээ шүүрч авах. Түүний сонгосон эрэгтэй нь бахархахаар өндөр байр суурьтай байх ёстой.

Мөн хатуу сэтгэлтэй, хүйтэн байж ч чаддаг. Романтик мэдрэхүйгээсээ илүү ажил алба ба хувийн эрх чөлөөг эрхэмлэнэ. Гэрийн эзэгтэйн дүрд байхыг хүсэхгүй. Ихэвчлэн тооцоогоор гэрлэдэг. Сонгосон хүнийх нь нийгмийн болон санхүүгийн байдлууд их чухал. Түүнд нөмөр нөлөөтэй хашир эр хэрэгтэй.

Эдгээр эмэгтэйчүүд амжилтанд хүрдэг. Нэгд ажил алба, хайр дурлал ба гэрлэлт нь хоёрт ордог юм шиг санагдана. Гэхдээ хайр дурлал байж магадгүй харин гэрлэлт лав биш.

Түүний хүсэл тачаал бодсоноос агуу их. Энэ эмэгтэй өөрийн хүсэл ба үүнийгээ хангах боломж хоёрын хоорондох зовлонтой зөрчилдөөнийг мэдэрдэг.

Хумх

Энэ ордын эмэгтэйчүүд ганган дэгжин аятайхан төрхтэй. Түүнээс гадна тэд байнга өөрчлөгдөж байдаг тул та ер уйдахгүй. Энэ ордны эрэгтэй шиг ажиллах дуртай боловч хатуу дэг журамд дургүй. Ямарч ажлыг гялалзуулж чадна. Эрт нөхөрт гардаг боловч аз жаргалтай байх нь ховор.

Хайр дурлалд болон бусад зүйлд тэрээр гаж буруу хачин ханддаг. Хэдийгээр эр хүнд дурласан ч сэтгэл хөдлөл багатай байдаг нь бусад агаар махбодитой ордуудтай ижил юм. Тэр хэн нэгнээс харьят бус. Түүний ашиг сонирхолд харшлахгүй бол найрсаг харьцаатай. Гал тогоонд эсвэл оронд хүлэх гэсний хэрэггүй. Энэ ордны эмэгтэйн мөрөөдөл бусдаас өөр. Түүний одыг өөр хүмүүс хардаггүй. Байгаагаар нь хүлээж авдаг хүнд үнэнч.

Маш ялдам бөгөөд мэдрэмтгий. Хэрэв эр хүн санасанд нь хүрэхгүй тохиолдолд түүний дүрэлзсэн сэтгэл дороо унтардаг. Гэхдээ эр хүн алдаагаа засах гэж оролдвол түүнд боломж олгоно.

Хэрэв тэр дурлавал бусдын хэл ам, шашин шүтлэг, яс угсаа болон нийгэмд эзлэх байр суурь огт хамаагүй. Өөрийн сонголтыг өөрөө л хийх болно. Мөнгө түүний зорилго биш. Та хамгийн баян эр байсанч зөвхөн боловсон занг чинь үнэлнэ.

Загас

Олонхи загасны ордны эмэгтэй юмыг урьдчилан харах чадвартай, уран зөгнөлтэй, маш зөөлөн, дур булаам бөгөөд хайрлах, дурлах, мөрөөдөх дуртай. Тэд гоо үзэсгэлэнтэй ба эр хүнийг хайрлах ялангуяа ойлгох чадвартай байдаг. Тав тухтай орчин гоёмсог эд хогшил ер нь гоё сайхан юм болгонд дуртай.

Тэдний ааш зан эрүүл мэнд нь сарны байрлалаас хамаардаг. Тэргэл сартай шөнө хүч чадал орж энерги ихээр хуримтлуулна, харин сар гарч байх үед идэвхгүй, сул дорой болдог.

Түүний дотоод сэтгэл ихээхэн баяалаг. Уян зөөлөн зан, нарийн мэдрэмжтэй тул тэд гайхамшигтай эхнэр болж чаддаг. Тэд нөхрүүддээ үнэнч бөгөөд тэдний гэр нөхрийнх нь хувьд найдвартай хана хэрэм мөн.