Ээжийн минь амттай хуушуур хийдэг нууц жор: Орцонд нь бага зэрэг архи хүртэл ордог шүү!

Амттай хуушуур хийж идэх ч үнэхээр сайхан шүү. Гэхдээ зүгээр нэг хуушуур биш аманд ороод л аз жаргалыг мэдрүүлэх дэндүү сайхан амттайг хийж сурмаар байна уу? Тэгвэл энэ жорын дагуу хийхэд л хангалттай юм. Гэрийнхэн болон хайртай дотны хүмүүстээ хамгийн амттай хуушуур амтлуулж, нэгэн оройг халуун дулаан уур амьсгалтай, баяр хөөрөөр дүүрэн өнгөрүүлээрэй.

Орц:

Гурилын зуурмагт:

• Гурил – 450 гр
• Давс – 5 гр
• Сүү – 250 мл
• Архи – 40 гр

Маханд:

• Татсан мах – 450 гр
• Сонгино – 100 гр
• Тараг – 80 гр
• Давс, перец – амталгаагаар
• Өндөг – 1 ширхэг

Хийх арга:

• Сүүндээ давсаа хийж хутгаад, дээр нь гурилаа бага багаар хийж зуурах бөгөөд архиа нэмэхээ ч мартаж болохгүй.
• Гурилаа зуураад гялгар уутаар боож, хөргөгчинд 30 минут байлгах хэрэгтэй.

• Сонгиноо маш жижиг хэрчиж, махан дээрээ хийгээрэй. Базсан махандаа тараг болон давс, перецээ хийж амтална.
• Амраасан гурилаа авч элдэнэ. Ингэхдээ 1 см зузаантай болгож элдээд, 12 тэнцүү хэсэгт хуваана.
• Одоо хуваасан гурил дээрээ таруулан махаа тус бүрт нь тавьж бэлтгэнэ.
• Өндгөө хутгаж, үүнийгээ багсаар авч, гурилны үзүүр хэсэгт түрхэх бөгөөд гурилныхаа амсруудыг нийлүүлж дарна. Амсарыг салгахгүйн тулд сэрээгээр сайн дарж өгөөрэй.

• Ингээд бэлэн болсон махтай бялуугаа 180 хэмд халаасан тосонд хийж шарна. Хоёр талаараа шаргалтаж бор өнгөтэй болоод ирэхэд нь гаргаж аваарай.
• Хоолоо бага зэрэг хөргөж амраасны дараа идэж болно.
• Хэрэв та хүсвэл тосонд шаралгүйгээр шарах шүүгээнд жигнэж ч болох юм.