Царайлаг охид яагаад ганц бие байдаг гээч!
tЦарайлаг хэрнээ найз залуугүй, ганцаар насыг барж байгаа найз танд байдаг уу? Хүн болгон л тэднийг хараад гайхаж, ийм хөөрхөн байж олон залуустай уулздаг баймаар юм, аль хэдийн нөхөртэй болчихоогүй юм уу? гэхчлэн алмайрч орхидог. Гэвч үнэн хэрэгтээ тэд ганцаардал, уйтгар гуниг дунд гансран сууж байдаг аж. Харин яагаад гэдгийг нь та мэдмээр байна уу?
Гүнжийн синдромтой, бардам зантай
Өдгөө үзэсгэлэнтэй охид бүсгүйчүүд мэдлэг, боловсролоор өөрийгөө зузаатгаж, биеэ даасан хувь хүн болох гэж хичээх болсон тул эр хүний тал дээр тогтсон байр суурьтай ханддаг аж. Өөртөө итгэлтэй ажил хэрэгч бүсгүйчүүдэд дутуу зүйл гэж үгүй тул эр хүнийг хүсэмжилжилдэггүй бөгөөд аль болох зайгаа барих хандлагатай. Гэхдээ нэг л өдөр жинхэнэ хайр нисэн ирнэ хэмээн итгэж суудаг тул тэгтлээ яарч, таалагдаагүй хүнтэйгээ болзохыг эрмэлздэггүй байна.
Хэн нэгний өмч байхыг хүсэхгүй
Үзэсгэлэнтэй бүсгүйчүүд ердөө ганц хүний өмч байхыг огт хүсдэггүй. Учир нь тэдний араас олон залуус гүйх тул тэднээс аль нэгийг нь сонгоно гэдэг бэрх даваа аж. Тиймдээ ч хэн нэгний найз охин, бүсгүй гэгдэхээс татгалзаж, ганц бие байхыг илүүд үздэг юм. Харин он цаг улиран одох тусам тэд хэн нэгнийг үгүйлж хүндхэн байдалд орох аж.
Хүйтэн сэтгэл
Царай төрх, бие хаа сайтай бүсгүйчүүд эрх чөлөөг эрхэмлэн, найз залуутай болохоос татгалздаг байх юм. Тэд залуусаас амархан уйдаж, үүнээсээ болж хүмүүст элдвээр хэлүүлэх нь ч бий. Тиймдээ ч зүгээр л өөрийгөө хайрлаж, өөртөө итгэж амьдрахаар шийдэх аж. Үүнээс гадна тэд зөвхөн өөрийгөө жаргалтай сайхан байх замыг сонгох бөгөөд тус замд нь тааралдах олон сайхан залуус сэтгэлийг нь хөдөлгөж чадалгүй өнгөрдөг.
Магадгүй хэдийн хэн нэгэнд зүрхээ өгчихсөн
Магадгүй эр хүнийг үл ойшоох ганц бие халуухан бүсгүй хэдийн хэн нэгнийг сэтгэлдээ тээж явдаг байж мэднэ. Зөвхөн тухайн хүнийг бодон хайрлаж, бусад бүх хүнийг харахаа больсон аж. Эмэгтэй хүн хэн нэгэнд чин зүрхнээсээ хайртай болох аваас эргэлт буцалтгүй шийдэж, эргэлзэлгүй хайраар тэтгэдэг.
Бусдаас өөр нэгнийг хүлээдэг
Тэд хөөрхөн, үзэсгэлэнтэй тул бүгд л гоё сайхан болохыг нь магтаж, залуус бүр уулзахыг хүсч байгаагаа илэрхийлдэг. Харин энэ нь тэднийг нэг ёсондоо залхааж орхидог тул цоо шинэ мэдрэмж өгөх, өөр нэгнийг хүсч хүлээсээр суудаг байна. Мөн байнга магтаж сайшаах хүмүүсээс илүүтэй түүний алдаа дутагдлыг хэлж өгөх хүн юу юунаас илүү хэрэг болдог аж.
