Эмэгтэйчүүдийг үргээдэг эрчүүдийн хувцаслалт
Хувцас бурхан бие чөтгөр хэмээх үг хэчнээн үнэн болохыг олон жишээнээс харж болно. Хэчнээн сайхан залуу байлаа ч гэсэн зохимжгүй хувцас өмссөн байвал, өнөөх гэрэл цацарсан царай төрх нь гундаж орхидог. Харин эсрэгээрээ хүний нүд тусахааргүй нэгэн өөрт тохирсон дэгжин хувцас өмсөхөд охидын харцыг булааж эхэлнэ. Энэ бүгдээс харахад хувцас үнэхээр чухал. Тэгвэл одоо хамтдаа эрчүүдийг онцгүй харагдуулдаг хувцаслалтуудтай танилцъя.
Гүн ухлаадастай футволк
Энгийн V захтай футволк, цамцнууд эрчүүдийг халуухан, өөртөө итгэлтэй харагдуулдаг. Гэхдээ бүх зүйлсийн тун нь хэтрэхээр хор болдогтой адил хэт гүн ухлаадастай цамц болон футволк эр хүн таны гадаад үзэмжийг гундаах талтай.
Хэт богино шорт
Хэчнээн сайхан бие галбиртай, булчинлаг гуятай байлаа гээд хэтэрхий богино шорт өмсөх гэсний хэрэггүй. Үүгээрээ эмэгтэйчүүдийг өөртөө татна гэж бүр саналтгүй. Тэд ийм хувцас өмссөн залууд татагдах нь бүү хэл, бараг зугтах биз ээ.
Салаатай тавчик
Мэдээж салаатай тавчикийг эрэгтэй эмэгтэй хэн ч өмсөж болно. Гэхдээ зөвхөн хөдөө гадаа явсан үедээ л өмсөж байгаарай. Хотын гудмаар ийм сандалтай явна гэдэг эр хүн таны үзэмжийг ихэд бууруулах болно.
Футволкны гадуур жилетка өмсөх
Футволкны гадуур жилетка өмсөж, дэгжин харагдах гэсний хэрэггүй. Учир нь та хэзээ ч загварлаг харагдаж чадахгүй. Энэ төрлийн хувцаслалт нь хуучинсаг, хоцрогдсон сэтгэгдэл төрүүлдэг.
Хэт том чимэглэлтэй тэлээ
Том хэмжээтэй, том логотой, хэн ч харсан харц нь тэлээ очих хэмжээний сүр бараатай тэлээнээс татгалзаарай залуусаа. Энэ нь хоцрогдсон чиг хандлагын тодорхойлолт болох талтай.
Ягаан өнгийн хувцас
Эмэгтэйчүүд байгалиасаа эрэгтэй хүмүүсийг хүчирхэг, эр хүн шиг байгаасай гэж хүсдэг. Харин тэр хүсэлтэй нь ягаан өнгө үл зохицно. Тиймээс аль болох тус өнгөнөөс татгалзаж байгаарай.
Хэт бариу жинсэн өмд
Сүүлийн үед залуус сонирхон өмсөх болсон ч гэлээ, хэтэрхий бариу жинс эрэгтэйчүүдийн үнэлэмжийг унагадаг талтай. Бүх биеийг нь жадайтал барьсан өмд лав таныг сайхан залуу шиг харагдуулна гэж бодохгүй байна.
