Бүтэлгүй гэрлэлт биш, салалтыг сонгох 7 шалтгаан
Хүн бүр заяаны ханьтайгаа учирч, аз жаргалтай сайхан амьдрахыг мөрөөддөг. Гэвч бодит амьдрал дээр бүгд төсөөлсөн шиг сайхан байдаггүй. Заримдаа гэрлэлт бүтэлгүйтэж, хоёр биенээ тэвчиж амьдрахаас өөр аргагүйд хүрдэг үе ч олон тохиолдоно. Хэчнээн хэцүү байлаа ч, үр хүүхдээ элэг бүтэн гэр бүлд өсгөхсөн гэх хүсэлдээ дийлдэж, үлдсэн амьдралаа там болгож хувиргадаг. Тэгвэл та бүхэндээ хар дарсан зүүд шиг гэрлэлтээ дуусгах ёстой 7 шалтгааныг дуулгая.
1. Илүү сайхан хайртай учирах боломжийг олгоно
Хүнтэй суусан л бол бид өөр эсрэг хүйсийн хүн рүүгээ харах эрхгүй болдог. Энэ нь гэр бүлийн бат бөх байлгахад туслах хамгийн чухал зүйлсийн нэг. Харин хэдийн хайргүй болчихсон атлаа тэсч, тэвчиж, хайр гээчийг ч мэдэлгүй амьдарсаар л байна уу? Тийм бол эртхэн утга учиргүй гэрлэлтээ дуусгаж, амьдралаа ахин шинээр эхэлж, дараагийн “Зөв хүнтэй”-гээ учирах боломжийг тосч аваарай. Амжилтгүй гэрлэлтийн дараа танд илүү их туршлага хуримтлагдаж, нэг гаргасан алдаагаа давталгүй, илүү сайхан амьдрах боломжтой.
2. Өөрийгөө олж мэднэ
Хэрүүл маргаан, хууран мэхлэлт ихтэй гэрлэлт нь таныг өөрийгөө алдаж, амьдрахын утга учирыг умартахад хүргэнэ. Та өмнө нь юу хийх дуртай байснаа, ямар хоббитой байснаа, юу хүсч мөрөөддөг байснаа бүгдийг мартаж, зүгээр л урсгалаараа амьдарч, бусдын төлөө хийх ёстой зүйлсээ хийсээр, нэг л мэдэхэд үхэлтэй нүүр тулна. Харин салалт танд өөртөө илүү анхаарч, өөрийгөө олж, хийхийг хүссэн зүйлсээ хийж, эрх чөлөөтэй хүслээрээ амьдрахад туслах болно.
3. Аз жаргалтай болно
Салалтын дараа эрэгтэй эмэгтэй хүйсийн аль аль хүнд адилхан хүнд хэцүү байдаг. Эхний хэдэн жилдээ сэтгэл санаагаар унаж, буруу шийдвэр гаргачихсан юм болов уу гэж бодож, өдөр хоногийг өнгөрөөнө. Харин энэ хэцүү үеийг даваад гарчихвал, үүрдийн жаргалыг олох юм. Илүү биеэ дааж амьдрах бөгөөд бусдаас хараат бус байдал танд аз жаргал, эрх чөлөөг өгөх болно.
4. Хүүхэд илүү жаргалтай байна
Маш олон хүмүүс “хүүхдээ бодоод л салж чадахгүй байна” гэж өөрийнхөө зориггүй, аймхай үйлдлээ хаацайлдаг. Үнэн хэрэгтэй байнгын хэрүүл, уйлаан хашхираан хүүхдийг сэтгэл санааны дарамтанд оруулж, айдас хүйдсээр дүүргэж орхидог. Харин ч салалт тэдэнд эерэгээр нөлөөлж, сэтгэл амар, жаргалтай амьдрахад тусалж ч мэдэх юм.
5. Таны эрүүл мэнд сайжирна
Аз жаргалгүй гэрлэлт танд стресс бухимдал нэмж, эрүүл мэндээ алдахад хүргэнэ. Харин салалтын дараа юу л байна цаг зав байх учир эрүүл мэнддээ илүү анхаарч, сэтгэл санаа амар тайван байх болно.
6. Гадаад төрх сэргэнэ
Ялангуяа бүсгүйчүүд салалтын дараа илүүэй өөрсдийгөө тордож, гадаад үзэмжиндээ анхаарч эхэлдэг. Мөн санаа зовоох асуудал багасах тул үүнийгээ дагаад арьс хүртэл жавхаажиж, гоо үзэсгэлэн эргэж ирнэ.
7. Амжилттай ганц бие
Салалтын дараа ажил, карьертаа илүүтэй цаг гаргаж, амжилтанд хүрэх хаалга нээгддэг. Мэдээж гэр бүл гэх орон зай дутагдах хэдий ч, үүнийгээ ажлын амжилтаараа дүүргэж, биеэ даасан ганц бие, хүчирхэг нэгэн болгоно.
