2022 онд хамгийн амжилттай, азтай байх ордууд

Та бүхэндээ шинэ оны мэнд хүргэе. Хуанлин хуудас эргэж, шинэ жил айлчлан ирлээ. Уншигч нартаа зориулан 2022 оны зурхайг орчуулан хүргэхээр бэлтгэлээ. Та зурхайгаа уншиж, энэ жилийн өнгөө тодорхойлоорой.

Хонины орд

Хонины ордныхон 2022 онд их эрч хүчийг мэдрэх болно. Олон жил бодож төлөвлөсөн зүйлс тань биелэлээ олох магадлал өндөр байна. Боломжууд гарч ирэх тул алдахгүй байх хэрэгтэй. Энэ жил шинээр бизнес эрхлэх, шинэ ажил эхлүүлэх зэрэгт нэн тохиромжтой бөгөөд өөрийн манлайлах ур чадвараа улам бүр хөгжүүлж, амьдрал, карьераа нэг шат ахиулна хэмээн зурхайн толинд буужээ.

Эрүүл мэндийн индекс 80 хувьтай бөгөөд гайгүй гэж ойлгож болно. Хэт их ажлаас болж толгой өвдөх, стресст орох магадлалтай. Хооллох зуршилдаа онцгой анхаарахыг зөвлөж байна, эс тэгвээс хоол боловсруулахтай холбоотой асуудал таныг зовоож магадгүй.

Үхрийн орд

Үхрийн ордныхон бүхнийг төлөвлөж, өөрийн хяналтанд байлгахыг хүсдэг. Харин 2022 онд зарим зүйлс таны хяналтаас гарч, багагүй бухимдуулж магадгүй. Том шийдвэр гаргах ч амжилттай байх эсэхийг хэлэх боломжгүй. Эрүүл мэндийн индекс 70 хувьтай байх учраас эрүүл мэнддээ анхаар. Үхрийн ордныхон жин нэмэхээс болгоомжлох хэрэгтэй, эс тэгвээс бөөр, ходоодтой холбоотой өвчин асуудал үүсгэж мэднэ.

Хамгийн ихээр анхааруулж буй зүйл бол уур бухимдал хийгээд стресс. Өөрийгөө хянаж, гэр бүлийнхнээ гомдоохгүй байх тал дээр анхаараарай. Бага асуудлыг том болгон дэвэргэж, үүнээсээ болж их зүйл алдаж болзошгүй.

Ихрийн орд

Сэтгэл зүйн олон асуудалтай нүүр тулна. Нэг хөөрч, нэг унаж, давалгаалах бөгөөд эртнээс энэ бүхэнд бэлтгэлтэй байвал харьцангуй хөнгөн даваад гарчихна. Олон жил бугшсан асуудлаа энэ жил л шийдвэрлэж, нэг тийш болгох боломжууд гарч ирнэ. Эрүүл мэндийн индекс 60 хувьтай тул биедээ сайтар анхаарах хэрэгтэй. Төрөл бүрийн сорилт таныг хүлээж байгаа тул өөртөө хүч өгөөд урагш алхаарай. Даваад гарч чадвал таныг маш их амжилт, боломжууд хүлээж байгаа. Энэ жил танд анхааруулж буй хамгийн том зүйл бол эрүүл мэнд. Өөрийгөө хайрлаж, биеэ анхаарч байгаарай.

Мэлхийн орд

2022 он инээмсэглэх олон шалтгааныг өгөх болно. Ажил мэргэжлийн талбарт шинэ боломжууд таныг хүлээж байна. Өнгөрсөнд оруулсан мөнгө хэд дахин их ашиг авчрах магадлалтай. Тансаг зэрэглэлийн тээврийн хэрэгсэл эсвэл илүү том үл хөдлөх хөрөнгө худалдаж авах хүсэлтэй хүмүүс энэ жил нэлээд азтай байх нь. Хүүхдүүдийн тань амжилт таны нийгэм дэх байр сууриа дээшлүүлэхэд тусална. Эрүүл мэндийн тухайд айх аюулгүй боловч өөртөө анхаарч йогоор хичээллэх, дасгал хөдөлгөөн хийж байгаарай. Илүү их аялж, амрахад таатай жил байх болно.

Арслангийн орд

Өөрийгөө эрх чөлөөтэй болгож, урсгалаараа яваарай. Танд байгаа бүх зүйлд талархах ёстой шүү. Бизнесийн цар хүрээгээ тэлэхээр төлөвлөж буй хүмүүс оны дундуур түншээ олох магадлалтай. Шинжлэх ухаан, инженерчлэл, мэдээллийн технологийн чиглэлээр ажилладаг хүмүүсийн хувьд энэ жил үр бүтээлтэй, үр дүнтэй байна. Хайр дурлал, гэр бүлийн харилцааны тухайд бага зэрэг шалгууртай нүүр тулна. Хэрхэн давж гарахыг таны тухайн үеийн шийдвэр мэднэ. Эрүүл зөв хооллолт таны эрүүл байхын үндэс гэдгийг санаж, зөв хооллож байх хэрэгтэйг анхааруулжээ.

Охины орд

Таны гэрэлтэх жил байх болно. 2022 он бол өнөөг хүртэл өөрийнхөө төлөө мөрөөдөж байсан бүх зүйлдээ хүрэх жил юм. Гэхдээ санасан шиг амархан байхгүй. Та тэр бүх саад бэрхшээлээс илүү хүчтэй гэдгээ санаж, урагш тэмүүлж чадвал санасан бүхэндээ хүрнэ. Ухрах араа гэж байхгүй мэт зүтгээрэй. Санаанд оромгүй зүйлс орлогын эх үүсвэр болж хувирна. 2022 оны эхний хагаст гэр бүлийн хувьд асуудалтай байж болох ч, ямар нэг аргаар шийдвэрлэж чадвал үүнийхээ үр өгөөжийг хүртэж, хайраар бялхах болно. Хийх ажлын жагсаалтаасаа өндөр эрсдэлтэй биеийн тамирын дасгалуудыг хас.

Жинлүүрийн орд

Ямар ч зүйл дээр яарч сандрах хэрэггүй. Сайтар бодож, судалж байж шийдвэр гаргах нь таныг алдахаас сэргийлэх болно. Жилийн эхний хагаст тэвчээртэй шаргуу хөдөлмөрлөх нь, хоёрдугаар хагаст албан тушаал ахих, амжилт гаргах үндэс болох юм. Жингээ хасах гэж хичээсэн хүмүүст маш том өөрчлөлт гарна. Сонгосон салбартаа амжилт гаргахын төлөө тууштай байж чадвал өөрөөрөө бахархах өдөр ойрхон байна. Санхүүгийн хувьд тогтвортой байх боловч оны сүүлийн хагаст үрэлгэн зангаа хянахгүй бол, бэлэн мөнгөний гадагшлах урсгал нэмэгдэж магадгүй.

Хилэнцийн орд

Таны зарлага, орлого аль аль нь эхэндээ огцом өсөх магадлалтай. Үл хөдлөх хөрөнгийн наймаа хийхдээ болгоомжтой байхыг анхааруулж байна. Эрүүл мэндийн хувьд асуудалтай байж мэдэх учраас урьдчилан хяналтанд орж, үзүүлэх хэрэгтэй. Төрөл бүрийн шинэ санаагаар дүүрэн байх болно. Хэрэгжүүлэх тал дээр багагүй асуудалтай тулгарах хэдий ч та даван гарч чадна. Хосуудын харилцаа уналтанд орно.

Нумын орд

2022 он танд асар их аз, ажил амьдралын өсөлтийг амлаж байна. Та хийсэн бүх зүйлдээ ялалт байгуулж магадгүй. Зөн совиндоо итгэ – энэ жил танд маш их тус болно. Эрсдэлтэй хөрөнгө оруулалт нь сонирхолтой мэт санагдаж болох ч таныг бүхэлд нь залгиж, тархийг тань угаахыг бүү зөвшөөр. Оны эхэн үе ажил мэргэжлийн тал дээр тийм ч таатай биш байж магадгүй ч 4-р сарын дараа бүх зүйл эерэгээр эргэж магадгүй юм. Ажлын ачаалал таны эрүүл мэндэд асуудал учруулж болзошгүй. Гэр бүлийнхэнтэйгээ сайхан дурсамжууд бүтээж, баяр хөөрөөр дүүрэн жилийг өнгөрүүлнэ.

Матрын орд 

2022 он таны амьдралд тайтгарал, аз жаргалыг авчрах болно. Таныг бухимдуулж, дарамтанд оруулдаг бүхнийг орхи. Цалингийн өсөлт нь үл хөдлөх хөрөнгө, тээврийн хэрэгсэл эсвэл хөрөнгийн зах зээлд хөрөнгө оруулах боломжийг танд олгоно. Таны эдийн засгийн мэдлэг таныг жилийн турш чинээлэг байлгаж магадгүй. Гэр бүл тайван амгалан байна. Гадаадад олон удаагийн аялал хийх магадлалтай бөгөөд энэ нь таны амьдралд нэг шинэ хаалгыг нээнэ. Танай гэр бүлд шинэ хүн нэмэгдэж магадгүй. Хүсэл мөрөөдлийнхөө хойноос тууштай зүтгээрэй. Танд мөрөөдлөө биелүүлэх боломж хангалттай өндөр байна. Романтик болзоо, амралтын өдрүүдийн зугаалга гээд таныг аз жаргалтай болгох бүхэн хүлээж байна шүү.

Хилэнцийн орд

2022 он бол зорилгоо нэгтгэх, тэргүүлэх чиглэлээ дахин тодорхойлох жил юм. Оны эхээр алтны бондод хөрөнгө оруулалт хийснээр таны төсөөлж байснаас хурдан сайн өгөөж авчрах болно. Ажлын байран дээрээ ахиж, илүү их үүрэг хариуцлага хүлээнэ. Сөрөг хүмүүсээс зайгаа бариарай. Гэр бүлийн харилцааны хувьд тогтворгүй байх бөгөөд таниас багагүй хүчин чармайлт шаардана.

Загасны орд

Төлөвлөгөө, судалгаа таныг аврах болно. Яаран шийдвэр гаргаж болохгүй ба эс бөгөөс алдагдал хүлээнэ. Давуу талаа ашиглаж, сул талаа хүлээн зөвшөөрч чадвал танд амжилт ойрхон байх аж. Санхүүгийн хувьд харьцангуй тогтвортой байх боловч буруу шийдвэрээс үүдэн алдагдалд орж болзошгүй. Гэр бүлийн харилцаа халуун дулаан байх бөгөөд танд хамгийн их түшиг тулгуур болно. Гэр бүлийн үнэ цэнийг мэдэрч ухаарсан жил болж өнгөрнө.