“Краш”-тайгаа ярилцахад хамгийн тохиромжтой сэдвүүд

Хэн нэгэн хүнд сэтгэл татагдах үед тэдэнд ойртохыг хүсэх атлаа тэртээ хол мэт, яг юу хийж тэдний сонирхлыг татах нь таавар мэт хэцүү санагддаг. Тэгвэл тэдэнтэй яриа үүсгэхээр зориглосон бол дараах сэдвүүдийн дагуу ярилцаад, санаа бодлыг нь сонсоод үзээрэй. Та хоёрын харилцаа итгэмээргүйгээр үргэлжилнэ гэдэгт итгэлтэй байна.

1. Өөрсдийн мөрөөдлийн тухай

Мөрөөдөл бол хувь хүний яг хэн гэдгийг илэрхийлж, амьдралд болон аливаа зүйлд чамайг ямархуу байр суурьтай байгааг харуулах гол зүйлсийн нэг. Тэднээс ч гэсэн юу мөрөөдөж, юунд зорьж байгааг нь асуух нь зүйтэй. Хүн хэн нэгэнтэй мөрөөдлөө хуваалцах дуртай байдгийг бодолцоорой.

2. Аяллын тухай

Өмнө нь хаашаа аялж байсан, аль газар нь хамгийн гүн сэтгэгдэл үлдээсэн, ирээдүйд хаашаа аялах төлөвлөгөөтэй байгаа гэх мэт. Аялал заримдаа хүмүүсийг нэгтгэх гайхалтай хүчин зүйл болдог.

3. Хобби, сонирхол

Тэдний хоббиг асууж, түүнтэй холбоотой сэдвээр чөлөөтэй ярилцах. Хүн өөрийн хоббины тухай ярихдаа яриа нь өөрийн эрхгүй ундарч, илүү дотно байх хандлагатай байдаг. зөвхөн хоббигоороо нэгдсэн хүмүүс байдгийг ч мартаж болохгүй. Сонирхлыг нь гадарладаг болохын тулд сошиал хаягуудаар нь зочилж болох юм.

4. Ямар нэг арга хэмжээний тухай

Та хоёр өмнө нь ижил арга хэмжээнд явж байсан, явах гэж байгаа байж болно. Энэхүү арга хэмжээний тухай, мөн л түүнтэй холбоотой зүйлсийн талаар эвтэйхэн яриа өрнүүлээрэй.

5. Түүний дуртай кино, дуу, жүжигчдийн талаар

Энэ бол залуучуудыг нэгтгэдэг хамгийн чухал сэдвүүд. Кино урлаг, уран зохиол, Холливудын ертөнц, жүжигчдийн талаар зах нь харагдахгүй яриаг өрнүүлж, эелдэг маргаан үүсгэж ч болно. Хүмүүсийг нэгтгэдэг бас нэгэн том шалтгаан гэж хэлж болно. Эдгээрийн тусламжтайгаар та тэдний тухай илүү ихийг мэдэж, түүнтэй дотносох сэжүүрийнхээ зах зухаас атгах боломжтой шүү.

6. Найзуудынх нь тухай

Сэтгэл хөдөлгөсөн сэдэв биш ч гэлээ ярилцахад гэмгүй, хөнгөн, цагийг хөгжилтэй өнгөрөөж болохуйц сэдвүүдийн нэг. Найзууд нь ямар зан араншин, давуу тал, паянтай талаар нь ярилцаж, нөхөрлөлийнх нь тухай мэдэж ав. Магадгүй найзуудаар нь түүнийг хөнгөн дүгнэж ч болох шүү дээ.

7. Нууц

Хэрвээ тэр танд өөр хэн нэгэнд хэлээгүй нууцаасаа хэлж байвал та хоёрын харилцаа маш амжилттай ахиж байгаагийг илрэл. Үүнийх нь хариуд өөрийн ч гэсэн гэмгүй нууцаасаа хуваалц. Түүний итгэлийг илүү сайн олох болно.

8. Зөвлөгөө хүс

Хэрвээ та хоёрын харилцаа тийм ч дотно биш, бараг юм дугарч үзээгүй бол тусламж хүсэх, зөвлөгөө асуухад тохиромжтой. Ажил мэргэжлийн холбогдолтой эсвэл түүний чадал бүрэн дүүоэн хүрэхээр зүйл төлөвлөж, нөхөрсөг тусламж хүсээд харилцааныхаа суурийг тавьж болно.