Махтай цагирган пирог хийх амттай жор
Карентиний хугацааг ашиглаад амттай хоол хийж сурцгаая. Энэ удаад та бүхэндээ махтай цагирган пирог хийх жорыг хүргэж байна.
Орц:
- Гурил – 300 гр + 50 гр
- Өтгөн тараг эсвэл зөөхий – 100 гр
- Ургамлын тос – 100 гр
- Сүү – 50 гр
- Ус – 50 гр
- Давс – 1 амны халбага
- Хөөлгөгч – 10 гр
Гурилаа бүх хуурай орцтойгоо хольж шигшээд, дээрээс нь тараг, ургамлын тос, сүү, усаа хийж зуурна. Нялцгайвтар зуурмаг болно, гэхдээ гарт наалдахгүй. Зуурсан гурилаа 30 минут амраагаарай.
Орц: (хачир)
- Үхрийн татсан мах – 400 гр
- Сонгино – 1 ширхэг
- Сармис – 4 хумс
- Давс – 5 гр
Махаа сонгино, сармис, давстайгаа хольж базаад бас 20-30 минут амраана.
Гурилаа 4,5 мм зузаантай 40Х45 см хэмжээтэй дөрвөлжилж элдээд яг тэнцүү 6 ширхэг туузалж хувааж зүснэ.
Татсан махтай хачираа мөн 6 тэнцүү хувааж, туузлан зүссэн гурлынхаа голоор цувуулж тараана.
Ирмэгүүдийг нь сайн чимхэнэ.
Хүнсний цаас дэвсэж бэлдсэн лист дээр ороомогоо цагиргалуулан тавьж өгнө. Цагирга хоорондоо яльгүйхэн 2, 3 мм зай гаргаж өгөх хэрэгтэй. Учир нь пирог маань шарах явцад хөөж цагирганууд нь хоорондоо наалдах естой. Шарах шүүгээнд хийхээс өмнө хутгасан өндөг сайтар түрхэнэ.
180С дээр дээр доороос нь 40+5 мин болгоно. Шарах шүүгээгээ урьдчилан халаасан байх хэрэгтэй.
Махтай цагирган пирогоо гаргаад 10-15 минут бага зэрэг хөргөнө.