Таны хүүхэд асуудалд орсон байж болзошгүйг илтгэх 10 шинж тэмдэг

Хэрэв таны хүүхэд сургууль дээрээ тааруухан сурч эхлэх юм уу эсвэл хичээлдээ явахгүй байгаа бол энэ нь тэдний асуудалд орсны шинж бөгөөд магадгүй ангийнхан нь тэднийг дээрэлхдэг, эсвэл гэртээ хангалттай анхаарал халамж авч чаддаггүй байж болох юм. Үүнээс гадна тэд асуудалд орсоныг илтгэх олон шинж тэмдгүүд байдаг.

Өнөө үед эцэг эхчүүд маш завгүй амьдралын хэв маягтай болсон. Хүүхдийнхээ талаар зарим нарийн ширийн зүйлсийг анзааралгүй орхих нь хичнээн аюултай болохыг бид та бүхэнд энэ нийтлэлээр хүргэж байна.

1. Эмх замбараагүй харагдах, эсвэл цаг агаарт тохирохгүй хувцас өмсөх

Бие махбодийн болон сэтгэл санааны хувьд бэрхшээлтэй тулгардаг хүүхэд өөрийгөө халамжлахаа болино. Тэд ойр ойрхон шүршүүрт ордоггүй, бохир хувцас өмсөж цаг агаарт тохирохгүй хувцаслаж эхэлдэг аж.

2. Байнга өлсөж байдаг

Стресстэй тэмцэх хамгийн зөв аргуудын нэг бол идэх явдал юм. Асуудалтай байгаа хүүхэд үргэлж өлсдөг, ядардаг, огт хөдөлгөөнгүй байдаг. Ийм үед тэд сургуулиас залхсан байх магадлал бий (жишээлбэл, шалгалтын өмнөхөн), ялангуяа хүүхэд гэртээ маш их өлссөн орж ирэх тохиолдолд та түүнтэй заавал ярилцах хэрэгтэй. Энэ нь тэд сургуулийн цайны газар орохгүй байгаагийн шалтгаан ч байж магадгүй гэсэн үг юм. Хэн нэгэн халаасны мөнгийг нь аваад явчихсан байж ч болно.

3. Тэд сургуульдаа очихыг хүсэхгүй байх

Хичээлдээ явахгүй байх нь эцэг эхийн анхаарлаас шалтгаалж болно. Жишээлбэл: хэрэв хүүхэд сургуульдаа сайн сурч байгаа бол долоо хоногт 1-2 удаа хичээл тасалдагийг багш нар төдийлөн анхаардаггүй.

Эсрэг нөхцөл байдалд: хүүхэд өвчтэй байсан ч сургуульдаа явдаг. Харамсалтай нь энэ нь гэртээ асуудалтай байдаг гэсэн үг байж болох юм.

4. Хэт хариуцлагатай байхыг хичээдэг

Ийм үед хүүхэд ихэвчлэн насанд хүрэгчдийн шинж чанарыг харуулдаг бөгөөд тэд маш хариуцлагатай байхыг хичээдэг.

5. Бусад хүүхдүүдийг гомдоодог

Хэн нэгэнд гомдсон өсвөр насны хүүхэд тоглоомтойгоо яриа өрнүүлэх (түлхэх, нэр дуудах, бусдын тоглоомыг авах, эвдэх гэх мэт зүйлсийг хийх) гэх мэт үйлдлүүд гаргадаг. Энэ бол тоглоом нь тэдний хяналтанд байгаа мэт сэтгэгдэл төрүүлэх оролдлого юм. Мэдээжийн хэрэг энэ нь онцгой зүйл биш байж болох ч үүнийг анхаарч үзэх хэрэгтэй.

6. Харагдах байдалдаа анхаарал хандуулдаг

Хэрэв хүүхэд үргэлж төгс хувцасладаг, гэрийн даалгавраа төгс хийдэг гэх мэт бүх зүйлийг хийгээд эхэлвэл тэд хүссэндээ биш харин айсандаа хийж байж болох юм. Магадгүй буруу зүйл хийвэл эцэг эх нь тэдэнд хэтэрхий хатуу ханддаг байснаас болсон хэрэг.

7. Үргэлж анхаарал хандуулахыг хүсдэг

Зарим хүүхдүүд даруухан, ичимхий болдог бол зарим нь эцэг эхийнхээ анхаарлыг татахыг хичээдэг. Хүүхэд үргэлж ийм байдаг бол энэ нь хэвийн зүйл боловч гэнэт гарч ирвэл түгшүүртэй дохио болно.

8. Сургууль руу явах замаа өөрчилдөг

Хэрэв таны хүүхэд ямар ч шалтгаангүйгээр автобусанд суухын оронд сургууль руугаа алхахаар шийдсэн бол энэ нь асуудлын шинж тэмдэг байж магадгүй юм. Сургууль руугаа явж байхдаа тэднийг дээрэлхдэг бусад хүүхдүүдтэй таарсан байж болзошгүй. Эсвэл магадгүй тэд зүгээр л хүрээлэн буй орчноо сонирхож явдаг байж ч болно.

9. Тэд гадаад төрхөө өөрчлөх хандлагатай болох

Пирсинг эсвэл бусад стандарт бус хувцас өмсөх нь өсвөр үеийнхний хэвийн бус шинж тэмдэг байж болно. Эдгээр өөрчлөлтүүд хурдан явагдахад энэ нь маш их санаа зовоодог. Ердөө долоо хоногийн өмнө таны хүү эсвэл охин тод өнгийн хувцсанд дуртай байсан бөгөөд одоо тэд гэнэт үзэн ядаж, хар хувцсаар солихыг хүсч байвал та түүнтэй ярилцах ёстой.

10. Ихэнхдээ гэдэс, толгой өвдөх талаар гомдоллодог

Сургуульдаа асуудалтай байгаа хүүхдүүд стресст өөр өөр хариу үйлдэл үзүүлдэг. Хамгийн түгээмэл хариу үйлдэл бол толгой, гэдэсний өвчин юм. Тэдний зарим нь сургуульд явахгүй гэртээ үлдэхийн тулд өвчтэй дүр эсгэдэг. Энэ үед эцэг эхийн хамгийн чухал ажил бол хүүхэд гэртээ эсвэл сургууль дээрээ асуудалтай байгааг харуулсан өчүүхэн шинж тэмдгийг анзаарч, ярилцах эсвэл өөр аргаар үүнийг даван туулах явдал юм. Сайн яриа бол бэрхшээлийг даван туулах эхний бөгөөд хамгийн чухал алхам юм. Үүний дараа хүүхдийнхээ хэлж буй зүйлээс хамааран хариу үйлдэл үзүүлэх шаардлагатай болно.

Таныг сургуульд байхад ангид тань эсвэл сургуульд тань дээрэлхдэг хүүхдүүд байсан уу? Энэ нь тэдний зан төлөвт хэрхэн нөлөөлсөн бэ?