Гадуур хүмүүст зарсан ч болохоор гайхалтай амттай будаатай хуурганы жор
Өнөөдөр та бүхэндээ маш амттай нэг төрлийн будаатай хуурга хийх жорыг хүргэхээр бэлтгэлээ. Үүнийг хийж сурчихаад гадуур зарсан ч болохоор тийм амттай болдог. Хийх арга нь маш энгийн бөгөөд хоол хийж чаддаггүй хүн ч амархан хийж чадна.
Орц:
- Гурвалжин будаа – 250 гр
- Татсан мах – 400 гр
- Сонгино – 2 ширхэг
- Лууван – 1 ширхэг
- давс, перец, нунтаг улаан перец (амталгаагаар)
- кетчуп эсвэл улаан лоолийн соус
- ус
- нэмэлтээр хүссэн ногоогоо хийж болно.
Хийх арга:
Сонгиноо жижиглээд шаргал болтол нь хуурна. Дараа нь лууван, давс, татсан махаа хийгээд сайтар хутгасны эцэст тагийг нь таглаад дунд зэргийн гал дээр ойролцоогоор 7 минут буцалгаарай.
Үүний дараа нунтаг улаан перец, кетчуп нэмж хутгаад, дээрээс нь гурвалжин будаагаа хийж ус нэмэх ба будаанаас дээш 2 хуруу илүү ус хийхээ мартаж болохгүй. Ингээд тагаа таглаад будаагаа агших хүртэл нь зөөлөн галаар болговол амттай сайхан хоол бэлэн болно.
Фэйсбүүк сэтгэгдэл