Удаан хадгалж болох хүнсний бүтээгдэхүүнүүд
Хүнсний бүтээгдэхүүнүүдийн хадгалах хугацаа ихэнхдээ 2 хоногоос 2 жил хүртэл байдаг. Харин дараах хүнсний нэр төрлүүд хамгийн удаан буюу 2 жилээс дээш хугацаагаар хадгалж болдгоороо онцлог юм.
1. Будаа – 30 жил хүртэл
Будааг хадгалах тохиромжтой температур бол 4.5 градус хүртэлх юм. ийм нөхцөлд будааг 30 жил хүртэл хадгалахад амт үнэр, чанарт нь өөрчлөлт ордоггүй байна.
2. Хуурай сүү – 2-10 жил
Онгойлгосон тохиолдолд 18 сарын дотор, задлаагүй тохиолдолд 2-10 жил хүртэл хадгалж болно.
3. Шар буурцагны цуу (Soy Sauce) – 3 жил
Байгалийн аргаар гаргаж авсан дээд зэргийн шар буурцагны цууг хамгийн багадаа 3 жил хадгалж болдог. Харин үйлдвэрийн аргаар хийсэн шар буурцгийн цууг 6 сараас 2 жилийн хугацаанд хадгалах горимтой.
4. Агч модны бал (maple syrup) – Жилээс дээш
Агч модны бал буюу maple сиропийг шарвин амталдгаар нь бид сайн мэднэ. Өрөөний температурт бол задалснаас хойш 1 жилийн хугацаанд хэрэглэж болох бөгөөд хөргөгчинд жилээс дээш хугацаанд хадгалах боломжтой.
5. Хатаасан улаан шош – 30 жил
Лаазлаагүй, хуурай улаан шошийг 30 хүртэл жил хадгалахад амт чанараа алддаггүйг АНУ-ын Юта мужийн Brigham Young University-ийн эрдэмтэд олж нээсэн байна.
6. Давс – тодорхойгүй хугацаанд
Иоджуулсан давсийг нээснээс хойш 1 жилийн хугацаанд, бусад давсыг маш удаан хугацаанд буюу 3 жилээс дээш хугацаанд хадгалж хэрэглэхэд чанараа огт алддаггүй ажээ.
7. Алкохол – хадгалах хугацаа байхгүй
Виски, конъяк, цагаан архи, рум зэрэг спиртийн төрлийн бүтээгдэхүүнүүдэд хадгалах хугацаа зааж өгөөгүй байдаг ч хуурай, сэрүүн, нарны шууд тусгалгүй газар хадгалах шаардлагатай.
8. Уксус – хадгалах хугацаа байхгүй
Цагаан цуу буюу уксуст ч мөн адил хадгалах хугацаа байдаггүй. Хөргөгчинд буюу хуурай сэрүүн газар удаан хугацаанд хадгалж болно.
9. Элсэн чихэр – хадгалах хугацаа байхгүй
Элсэн чихэр, ёотонг хамгийн гол нь хуурай болж өгвөл сэрүүн газар хадгалах тохиолдолд 3 жилээс дээш хугацаанд хадгалж болно.
10. Зөгийн бал – хадгалах хугацаа байхгүй
Зөгийн балны байгалийн найрлага нь бактери үржих ямар ч боломжгүй байдгаараа онцлогтой тул удаан хугацаанд хадгалахад ямар ч асуудал үүсэхгүй. Египетийн пирамидаас ойролцоогоор 2000-3000 жилийн настай зөгийн балыг археологчид олж амталж үзэхэд онцгой амт ороогүй, идэх бүрэн боломжтой байсан гэдэг. Мөн Гүржээс 5500 жилийн настай зөгийн бал олджээ.